Millimizin məşqçisi imtahandan kəsilib: “Çox çalışdım, amma alınmadı"

08.01.2019 | 549 dəfə oxunub

“Məşqçilik kateqoriyası ilə bağlı imtahanlarda hər zaman səhvləri özümdə axtarmışam. Bu dəfə imtahanın müəyyən qismini yaxşı verdim, müəyyən hissəsi isə uğursuz alındı”.

Stadium.Az xəbər verir ki, bunu “Report”a UEFA-nın Pro kateqoriyalı məşqçi kurslarını müvəffəqiyyətlə başa vura bilməyən Azərbaycanın 19 yaşadək futbolçulardan ibarət milli komandasının baş məşqçisi Vüqar Məmmədimtahandan kəsilmə səbəbləri barədə danışarkən deyib.

40 yaşlı mütəxəssis bildirib ki, gələcəkdə özünü yenidən sınayacaq. Onun sözlərinə görə, yığmadakı işi də imtahanı uğurla verməsinə müəyyən qədər mane olub: “Çox çalışdım, amma alınmadı. Məşqçilər var ki, bir kursdan 4-5 dəfə kənarda qalıb. Mənim karyeramda isə bu, bir ilk idi. Növbəti kurs başlayanda müraciət edəcəyəm. İmtahandan məqsədli şəkildə kəsilməyimi, mənə qarşı qərəzin olduğunu düşünmürəm. Pro imtahanları ağır keçir, ilyarımadək davam edir. Həmin ərəfədə işimin çox olması, millinin matçları ilə bağlı səfərlər müəyyən qədər mənfi təsir etdi”.

V.Məmməd deyib ki, Pro kateqoriyasından ötrü UEFA-nın xarici ölkələrdə təşkil etdiyi kurslara qatılmaq fikri yoxdur: “Bunun üçün hər yerdə sistem eynidir. AFFA-nın təşkil edəcəyi kurslara qatılacağam. Amma hazırda komandanı Avropa çempionatının elit-raunduna hazırlamağa köklənmişəm”.

Qeyd edək ki, 9 mütəxəssis AFFA-nın UEFA ilə birgə təşkil etdiyi Pro kateqoriyalı məşqçi kurslarını müvəffəqiyyətlə başa vurub. Vüqar Məmmədlə yanaşı, Baba Əsgərov da imtahandan kəsilib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

16.06.2019

12:38  Argentina - Kolumbiya 0:2 VİDEO

00:57  Braziliya - Boliviya 3:0 VİDEO

15.06.2019

14.06.2019

13.06.2019

12.06.2019

02:16  Andorra - Fransa - 0:4 VİDEO

02:13  Macarıstan - Uels - 1:0 VİDEO

02:06  Almaniya - Estoniya - 8:0 VİDEO

11.06.2019

21:46  Millimiz darmadağın oldu - YENİLƏNİB

19:37  Azərbaycan - Slovakiya -HEYƏTLƏR

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi