"Neftçi"-nin ünvanına səsləndirilən ittihamlar yersizdir"

07.12.2010 | 1868 dəfə oxunub

Bakı Şəhər Gənclər və İdman Baş İdarəsinin rəisi Raqif Abbasov "Neftçi"nin rəsmi saytına müsahibə verib.

rn

- Raqif müəllim, uzun müddətdir idman aləmində olan şəxs kimi Azərbaycan idman klublarının və cəmiyyətlərinin fəaliyyətini necə qiymətləndirirsiniz?
- Səmimi olaraq bildirim ki, mən heç də vəzifəmdən irəli gələn məsələlərə görə deyil, həm də sırf azarkeş kimi idman klublarının, cəmiyyətlərinin, mərkəzlərinin fəaliyyətini yaxından izləyirəm. Bu qurumlar arasında "Neftçi" İdman-Sağlamlıq Mərkəzinin fəaliyyətini xüsusi vurğulamaq lazımdır. 2000-ci il Sidney, 2004-cü il Afina və 2008-ci il Pekin Yay Olimpiya Oyunlarında məhz "Neftçi" İSM ən çox idmançı ilə təmsil olunub. Hazırda ölkəmizdəki olimpiya çempionları, mükafatçıları, dünya və Avropa çempionları demək olar, hamısı "Neftçi" İSM-in yetirməsidir. Mərkəzin bu uğurlarında rəhbərliyin böyük əməyi var. "Neftçi" İSM-in icraçı direktoru Sadıq Sadıqov idmançıların nüfuzlu turnirlərdə ölkəmizi layiqincə təmsil etməsi üçün bütün şəraiti yaradıb. Çünki Milli Olimpiya Komitəsinin İcraiyyə Komitəsinin də üzvü olan Sadıq Sadıqov idmanı dərindən bilir, yüksək idarəçilik bacarığı ilə seçilir. İnanıram ki, idman təşkilatları arasında özünəməxsus yer tutan "Neftçi" İSM bundan sonra daha böyük uğurlar qazanacaq.

rn

- Paytaxtda təşkil olunan idman yarışlarda "Neftçi" İSM-in idmançılarının çıxışı barədə nə deyə bilərsiniz?
- Hər il Bakıda olimpiya və qeyri-olimpiya növləri üzrə müxtəlif yaş qrupları üzrə maraqlı çempionat və birincilikləri keçirilir. Qeyd etmək lazımdır ki, "Neftçi" İSM paytaxt yarışlarında da çox fəaldır. Bu çempionat və birinciliklərə qatılan idmançıların əksəriyyəti "Neftçi" İSM-in üzvləridir. Paytaxt yarışlarında fərqlənən idmançıların qarşısında perspektiv açılır, onlar milli komandalara cəlb olunurlar. Hesab edirəm ki, yeniyetmə və gənclərin təcrübə qazanmaları, potensiallarını göstərmələri baxımından Bakı çempionat və birincilikləri çox vacibdir.

rn

- Digər idman növləri ilə yanaşı, futboldan da danışmaq yerinə düşər. Bildiyiniz kimi, Unibank Premyer Liqasının vahid lideri "Neftçi" komandasıdır. Lakin son vaxtlar bəzi mətbu orqanlarında klubumuz barəsində yanlış rəy formalaşdırılır, əsassız məqalələr dərc olunur. Buna münasibətiniz necədir?
- Həqiqətən də "Neftçi" ölkəmizin ən sanballı, ən köklü komandasıdır. Azərbaycanın ən yaxşı məşqçi və futbolçuları - Anatoli Banişevski, Kazbek Tuayev, İsgəndər Cavadov, Maşallah Əhmədov, Vəli Qasımov və başqaları bu klubun yetirmələridir. "Neftçi" xalqın sevimli komandasıdır, futbolumuzun flaqmanıdır. Sadıq Sadıqov kluba prezident gəldikdən sonra "Neftçi" PFK yenidən qurulmağa başlayıb. Komanda əvvəlki ruhunu, şöhrətini qaytarmaqdadır. Şəxsən mən özüm də "Neftçi"nin azarkeşiyəm, stadiona gedib, flaqmanın oyunlarını canlı izləyirəm. Son vaxtlar bu klubun ünvanına səsləndirilən ittihamlar və subyektiv fikirlər yersizdir. Müxtəlif qüvvələr tərəfindən "Neftçi" PFK haqqında yanlış rəy formalaşdırılmasını kəskin pisləyirəm. Biz hamımız "Neftçi"ni, flaqmanımızı sevməliyik. Çünki Azərbaycan futbolunun bütün tarixi "Neftçi" futbol klubu ilə bağlıdır. Həm SSRİ dövründə, həm də müstəqilliyimizi bərpa etdikdən sonra əsasən bu klub bizə qələbə sevincləri bəxş edib, bir qayda olaraq, qitə miqyaslı turnirlərdə uğurla çıxış edib. Buna görə də "Neftçi"yə dəstəyimizi davam etdirməliyik.  



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.11.2019

11.11.2019

10.11.2019

18:24  “Qarabağ” – “Zirə” - HEYƏTLƏR

15:46  “Sabah” – “Sumqayıt” - HEYƏTLƏR

11:58  Günün oyunlarına necə baxaq? - TV AFİŞA

01:49  "Barselona" - "Selta" 4:1 VİDEO

00:25  "Brest" - PSJ - 1:2 VİDEO

00:12  "İnter" - "Verona" - 2:1 VİDEO

09.11.2019

23:43  "Eybar" - "Real" - 0:4 VİDEO

16:25  “Keşlə” – “Neftçi” - HEYƏTLƏR

14:26  “Qəbələ” – “Səbail” - HEYƏTLƏR

13:06  Günün oyunlarına necə baxaq? - TV AFİŞA

08.11.2019

07.11.2019

23:48  "Qarabağ" yenə APOEL-lə bacarmadı - YENİLƏNİB

20:46  APOEL - "Qarabağ" - HEYƏTLƏR

   
  O Q H M T-f X
1. Qarabağ 10 8 2 0 19-2 26  
2. Neftçi 10 5 3 2 15-8 18  
3. Keşlə 10 4 4 1 11-5 16  
4. Səbail 10 3 2 5 8-14 11  
5. Sumqayıt 10 3 2 5 11-15 11  
6. Sabah 10 2 4 4 10-11 10  
7. Zirə 10 2 4 4 10-16 10  
8. Qəbələ 10 1 3 6 6-19 6  
10.11Qarabağ ---Zirə
10.11Sabah ---Zirə
09.11Keşlə ---Neftçi
09.11Qəbələ ---Səbail
22.11Sumqayıt -Qarabağ
23.11Səbail -Sabah
24.11Neftçi -Qəbələ
24.11Zirə -Keşlə