"NEFTÇİ" - ƏFSAnədən rəksanəyə ...

14.07.2015 | 2446 dəfə oxunub

“Neftçi” hazırda acınacaqlı vəziyyətdədir. İş ondadır ki, bunlar Avropa Liqasında həvəskar komanda səviyyəsində olan “Mladost”u keçə bilmir. Ancaq komandanın acınacaqlı durumda olması bununla bağlı deyil. Bəlkə də, bu məqam da öz sözünü deyir. Ancaq “komanda udar da, uduzar da”, “hər nəticəyə hazır olmaq lazımdı” kimi futbol deyimlərini nəzərə alsaq, bu məqamı tapdalayıb – lap elə ayaqlar altına alıb susaraq keçmək olar.

İşin faciəvi tərəfi isə ondadır ki, indi “Neftçi” rəhbərliyi bu komandanı ayaqlar altına alıb. “Neftçi”ni faciəvi duruma soxmayıblar, hər keçən gün klubu buna daha da yaxınlaşdırmaq üçün sanki zorlayırlar. “Neftçi” indi tənha, sözün mədəni formasında desək, başına oyun açıqlan, ancaq səsi eşidilməyən, sorağına yetilməyən, köməyinə çatılmayan  bir bəndə təsiri bağışlayır.

Çünki klubun Müşahidə Şurasının sədri Çingiz Abdullayevin işi ancaq klounluq etməkdi. Faktiki olaraq ölkənin ən köklü və ən böyük klubu Elnur Məmmədovun əlində gilinc qalıb və gülünc olmaqdadır. Elnur “Neftçi”ni yəhərləyib, yüyənləyib, dərə aşağı da çapır, dərə yuxarı da. Çox insafsız adamdı, mindiyinə yazığı gəlmir. Axırda çərlədəcək...

Çingiz Abdullayevi heç Novruz bayramının gözəl təlamlarından olan bu şənliyin qozuna da almayan Məmmədov, istədiyini “Neftçi”yə gətirir, xoşu gəlməyənləri də klubdan uzaqlaşdırır. Lənət görən şeytana deyib, bunu da qoyduq bir kənara.

Bu Elnur Məmmədov son açıqlamasında deyib ki, “Neftçi” bax indi əsil xalq komandasıdır”...

Beləsinə cavan qaqaşdar öz aralarında danışanda “əəəə durrrrr...” ifadəsini işlədirlər. Nə qədərdə axmaq sözdür, hə? Məmmədovun düşüncəsinə nəzərən vəziyyəti qiymətləndirsək belə qərara gəlirik ki, bir komandanın xalq komandasına çevirilməsi üçün onun mütləq bir həvəskar kluba uduzması lazımdı. Ya sabr!...

Klub üçün əlindən, əməlindən “mən demişəm, yenə deyirəm, “Neftçi” bir əfsanədir” deməkdən başqa heç nə gəlməyən sözdə klub rəhbəri olan Çingiz Abdullayev hara baxır? 30 milyon kitabı satılan bir yazıçı Elnur Məmmədovun ağzını karvansaray qapsına döndərib danışdıqlarına qiymət verə bilmir? Yoldaş Çingiz Abdullayev, belə getsə sizin o əfsanə dediyiniz “Neftçi”dən heç rəksanə də olmayacaq...

Elnur BABA



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

25.01.2020

15:51  "Breşia" - "Milan" - 0:1 VİDEO

11:24  Günün oyunlarına necə baxaq? - TV AFİŞA

24.01.2020

23.01.2020

11:13  Günün oyunlarına necə baxaq? - TV AFİŞA

10:24  "Yuventus" - "Roma" - 3:1 VİDEO

10:16  "Reyms" - PSJ - 0:3 VİDEO

22.01.2020

16:17  Günün oyunlarına necə baxaq? - TV AFİŞA

02:25  "Napoli" - "Latsio" - 1:0 VİDEO

21.01.2020

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə