Lənkəranlı futbolçular hakimdən narazı qaldı- AÇIQLAMALAR

06.12.2015 | 2085 dəfə oxunub

Bu gün Premyer Liqanın XV turu çərçivəsində "Xəzər Lənkəran" "Qəbələ"ni qəbul edib.

Stadium.az xəbər verir ki, cənub klubu bu oyuna Rahid Əmirquliyev və Turla Cəlilovdan başqa, bütün futbolçuları akademiyadan əsas heyətə cəlb etmişdi. "Qəbələ"nin güclü legionerlərdən təşkil olunmasına baxmayaraq, Lənkəran gəncləri 90 dəqiqə rəqibi təzyiq altında saxladı. Oyunun əsas müzakirə mövzusu isə hakim idarəçiliyi oldu. Baxmayaraq ki, matça 6 hakim nəzarət edirdi, amma qərarlar heç də düzgün olmadı. Belə ki, "Qəbələ"nin qapısına təyin olunmalı olan iki penaltiyə hakim tərəfindən göz yumuldu. Oyundan sonra cənub təmsilçisinin fikirlərini öyrəndik. Futbolçuların dediklərini sizə təqdim edirik:

Orxan Sadiqli ("Xəzər Lənkəran"ın qapıçısı): "Bilirdik "Qəbələ" ilə oyun çətin alınacaq. Çünki, rəqibin heyətində yetərincə səviyyəli futbolçular var. Amma komandamız heç də məğlubiyyət haqqında düşünmürdü. İlk oyunumuzda böyük hesabla məğlub olmağımız bizdə daha da həvəs yaratmışdı. Hakim də bəzi anlarda bizim əlehimizə qərarlar qəbul etdi. Düşünürəm ki, penalti epizotunu düzgün qiymətləndirsəydi hakim, o zaman fərqli nəticə qeydə alınardı".

Mahsum Qənbərli ("Xəzər Lənkəran"ın müdafiəçisi): "Hakimin idarəçiliyindən razı qalmadım. Yüz faizlik penaltimizi vermədi. İlk hissədə mənim oyunumda həyəcan hiss olunurdu. Bu da təbii idi. Çünki, azarkeşlərimiz qarşısında diqqətli və məsuliyyətli olmalı idik. Amma sonrada həyəcanı geridə qoya bildik. Düşünürəm ki, biz "Qəbələ"dən heç də zəif oynamadıq, sadəcə bəxtsizliyə görə uduzduq. Belə gənc futbolçularla "Qəbələ" kimi komandaya qarşı oynamaq və heç də zəif çıxış etməmək sevindiricidir".

Kamran Abdullazadə("Xəzər Lənkəran"ın yarımmüdafiəçisi):"Yunis Hüseynov bizə bildirmişdi ki, rəqibə qarşı var gücümüzlə oynayaq və ilk oyundakı məğlubiyyətin əvəzini çıxaq. Uşaqlar da həvəsli idilər. Amma istəyimizə çata bilmədik. Oyunu başa-baş apardıq və hətta üstün də olduq çox epizotlarda. Amma hakimin qərarları bizi bir qədər geri saldı. Yüz faizlik penaltinin verilməməsi komandaya bir qədər pis təsir etdi. Əgər o penalti verilsəydi, hesab tamam başqa ola bilərdi".

Cavid ƏHMƏDOĞLU



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

25.01.2020

15:51  "Breşia" - "Milan" - 0:1 VİDEO

11:24  Günün oyunlarına necə baxaq? - TV AFİŞA

24.01.2020

23.01.2020

11:13  Günün oyunlarına necə baxaq? - TV AFİŞA

10:24  "Yuventus" - "Roma" - 3:1 VİDEO

10:16  "Reyms" - PSJ - 0:3 VİDEO

22.01.2020

16:17  Günün oyunlarına necə baxaq? - TV AFİŞA

02:25  "Napoli" - "Latsio" - 1:0 VİDEO

21.01.2020

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə