AFF-nin prezidenti: "Komandanın oyunu bir nəfərdən asılı olmamalıdır"

18.01.2012 | 5570 dəfə oxunub

Azərbaycan Futzal Federasiyasının prezidenti Zaur Axundov AFFA-nın saytına müsahibə verib. Stadium.az həmin müsahibəni diqqətinizə çatdırır:


Bugünlərdə başa çatan V Bakı Beynəlxalq Futzal Turniri ilə bağlıtəəssüratlarınız necədir?
- Bildiyiniz kimi, bu ayın sonunda Xorvatiyada Avropa çempionatının final  mərhələsinin oyunları başlayacaq. Qitəmiqyaslı yarışda mübarizə aparacaq Ukrayna, Türkiyə və Azərbaycan milli komandaları üçün V Bakı Beynəlxalq Futzal Turniri yaxşı hazırlıq mərhələsi oldu. Azarkeşlər biri-birindən maraqlı və həyəcanlı oyunlar izlədilər. Turnirdə iştirak edən Özbəkistan millisi isə may ayında Asiya çempionatında iştirak edəcək. Düşünürəm ki, Avropanın aparıcı komandaları ilə qarşılaşmaq onların hazırlığına müsbət təsir göstərdi. Turnirdə iştirak edən komandalar təşkilatçılığın yüksək səviyyədə olduğunu bildirdilər.
 
- Əvvəlki 4 turnirdə milli komandamız birinci yeri tutmuşdu. Lakin bu dəfə kubok Ukraynaya getdi...
- Son illər futzal üzrə Ukrayna milli komandası böyük nailiyyətlər əldə edir. Onlarla daha əvvəl qarşılaşmışdıq. İlk dəfə idi bizi məğlub etdilər və turnirin qalibi oldular. Ukrayna komandası əzmkar oyunlar nümayiş etdirdi. Gennadi Lisençukun rəhbərlik etdiyi komanda həm fiziki, həm də texnik-taktiki hazırlıq baxımından çox yüksək səviyyədədir. Bunun nəticəsi idi ki, ardıcıl üç qələbə qazanıb turnirin qalibi oldular.
 
- Milli komandamızın oyunlarını necə qiymətləndirirsiniz?
- Son 4-5 ayda heyətlə bağlı çətinliklərlə üzləşmişik. Bildiyiniz kimi, Biro Jade zədəlidir. Andrey Tveryankin, Vitali Borisov, Rizvan Fərzəliyev və Rəcəb Fərəczadənin yaxşı formada olmamaları məni narahat edir. Milli komandanın üzvləri ilə görüşümüzdə bunu onların nəzərinə çatdıracağıq. AÇ-nin final mərhələsinə az vaxt qalıb. Onlar öz üzərlərində daha çox çalışmalıdırlar ki, ölkəmizi Avropa çempionatında layiqincə təmsil etsinlər.
 
- Sizi narahat edən əsas çatışmazlıq nədir?
- V Bakı Beynəlxalq Futzal Turnirində keçirdiyimiz oyunları futzalçılar və məşqçilərlə birlikdə izləyib müzakirə edirdik. Komandanın müdafiə xətti olduqca zəif təsir bağışladı. Demək olar ki, müdafiə oluna bilmirdik. Bunun da əsas səbəbi futzalçıların birlikdə az oyun keçirmələridir. Əvvəllər hamısı bir klubda çıxış edirdi. Bu da nəticədə öz əksini tapırdı. İndi isə əksəriyyəti ayrı-ayrı klubların formasını geyinir. Onların meydanda bir-birini yaxşı başa düşmədiyi hiss olunur. Əsas çatışmazlıq kimi bunları qeyd edə bilərəm. Vaxtımız azdır. Çalışmalıyıq ki, komandanı 2010-cu ildəki səviyyəyə çatdıraq.
 
- Komandamızın Avropa çempionatında şanslarını necə qiymətləndirirsiniz?
- Birinci oyun hər zaman çətin olur. İlk oyunda Portuqaliya yığması ilə qarşılaşacağıq. Son 3-4 görüşdə Portuqaliya millisinə oyun ərzində məğlub olmamışıq. 2010-cu ildə Macarıstanda keçirilən Avropa çempionatında onlara penalti seriyasında məğlub olmuşduq. Həmin görüşdə Portuqaliya millisinin lideri Rikardinyo bizə qarşı oynamırdı. Ancaq bu il heyətdə yer alıb və bizə qarşı mübarizə aparacaq. Təbii ki, bu, öz təsirini göstərəcək.
Millimizin xeyli vaxtdır zədəli olan üzvü Biro Jade bu dəfə də forma geyinə bilməyəcək. Futzalçılarımız bilməlidirlər ki, komandanın oyunu bir nəfərdən asılı olmamalıdır. Hamı oynamalı, sonacan mübarizə aparmalıdır.
Qrupda komandaların şansları, demək olar ki, eynidir. Qarşıdakı qısa vaxt ərzində komandanı həm fiziki, həm texniki-taktiki, həm də psixoloji cəhətdən yaxşı hazırlayıb uğurlu nəticələrə qazanmalıyıq.
Yeri gəlmişkən, ötən ilin dekabr ayında dünya çempionatının əsas seçmə mərhələ oyunlarını və V Bakı Beynəlxalq Futzal Turnirini yüksək səviyyədə təşkil etdiyi üçün AFFA rəhbərliyinə minnətdarlığımı bildirirəm. Həm dünya çempionatının əsas seçmə mərhələsində, həm də Bakı Beynəlxalq Turnirində keçirdiyimiz oyunlarda milli komandamızı sonacan dəstəkləyən azarkeşlərə təşəkkür edirəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

10.12.2019

15:39  "Traktor"da növbəti istefa - "Önümüzü kəsirlər"

12:41  "Qarabağ" - "Düdelanj görüşü - mətbuat konfranslarının vaxtları açıqlandı

09.12.2019

11:32  Günün oyunlarına necə baxaq? - TV AFİŞA

08.12.2019

16:28  "Sabah" - "Neftçi" - HEYƏTLƏR

14:31  "Sumqayıt" - "Qəbələ" - HEYƏTLƏR

14:30  "Zirə" - "Səbail" - HEYƏTLƏR

13:12  Günün oyunlarına necə baxaq? - TV AFİŞA

11:59  Beqoviçlə bağlı yeni iddia - digər Premyer Liqa klubuna keçir?

07.12.2019

23:14  "Montpelie" - PSJ - 1:3 VİDEO

19:15  "Real" - "Espanyol" - 2:0 VİDEO

12:31  Günün oyunlarına necə baxaq? - TV AFİŞA

08:13  "Qarabağ" - "Keşlə" - FOTOLENT

06.12.2019

20:54  "Qarabağ" yenə xal itirdi - YENİLƏNİB

18:46  "Qarabağ" - "Keşlə" -HEYƏTLƏR

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə