Bir qapıçının gördükləri - KÖŞƏ

08.09.2014 | 5681 dəfə oxunub

Futbol üzrə millimizin rusları necə təəccübləndirdiyini hər kəs gördü. Ruslar da qəribə millətdilər, artıq neçənci dəfədi alman Berti Foqtsun qurub-yaratdığı Azərbaycan yığması ilə top qovurlar, amma yenə ağılları başlarına gəlməyib. Elə hər dəfə nəsə bir möcüzə gözləyirlər.

O gün heç bilmirəm necə oldusa, Rusiyada çap olunan qəzetlərdən biri əlimə keçdi. Qonşu yığmanın qapıçısı İqor Akinfeyev komandamızla keçirilən oyun haqqında fikirlərini bölüşmüşdü. Rusların qapını etibar etdikləri İqorun jurnalistlə müsahibəsini bir balaca tərcümə elədim təqribən belə alındı.

- İqor, Azərbaycan yığması ilə yoldaşlıq oyununda qapını qoruyurdun. Matç haqqında təəssüratlarını bilmək istərdim...

- Açığını deyim ki, oyuna düz-əməlli baxa bilmədim.

- Niyə?

- Sözün düzü, telefonla mesaj yazırdım.

- Sirr deyilsə, kiminlə mesajlaşırdın?

- Sirr deyəndə ki, təzə rəfiqələrimdən birinə şeirdən-poemadan guppuldadırdım. Sonra radio kanallardan birinin canlı efirinə qoşuldum, viktorinanın suallarına cavab verdim

- Birinci hissənin sonlarında nədənsə narahat görünürdün. Bunun səbəbi idi?

- gizlədim, qarnım dəhşətli dərəcədə ağrıyırdı, gördüm imkan var, özümü verdim ayaqyoluna. Azərbaycanlı futbolçuların xəbəri olmadı, hər halda mən belə anladım.

- Bəs, ikinci hissənin əvvəlində niyə səni oyunda görə bilmədik?

- Sən deyəsən məndə sirr saxlamayacaqsan... Sözün düzünə qalsa, tərslikdən sürücülük vəsiqəmin vaxtı elə həmin gün bitirdi, gördüm fürsət var, matçın şirin yerində milisə gedib bu problemi həll etdim.

- Berti Foqtsun komandasından hansı futbolçunu xüsusi qeyd etmək istərdin?

- deyim vallah, rəqib futbolçular çox uzaqda olduqlarından heç kimi görə bilmədim. Tribunanın sol tərəfində köhnə qonşularım oturmuşdu, elə onlarla bir az söhbət elədim ki, arada məni yuxu tutmasın.

- Deyəsən, yatmaqla o qədər aran yoxdur...

- Belə ... Yatağan deyiləm, amma Azərbaycanla, Malta Lüksemburqla oyunlar zamanı gözümün acısını ala bilirəm, bu da mənə kifayət edir.

- Müsahibələrinin birində demişdin ki, təzə albalını çox sevirsən?

- Sevirsən sözdü? Sözün açığı, sonuncu yoxlama oyununda birdən yadıma təzə albalı düşdü. Görüşün 70-ci dəqiqəsində özümü verdim stadionun yaxınlığındakı bazara. Fürsət yaranmışkən, niyə bundan istifadə etməyim?

- Təəssüfləndiyin anlar olurmu? Sonuncu dəfə zaman təəssüf hissi keçirmisən?

- Düzünə qalsa, nadir hallarda təəssüflənirəm. Sonuncu dəfə Azərbaycan millisi ilə oyunda belə bir hiss keçirdim. Yeni aldığım evə bahalı divar kağızı yapışdırmalı idim. Oyun zamanı yadıma düşdü ki, yapışqan almalıyam. Elə dükana getməyə hazırlaşırdım ki, özbək hakim matçın bitdiyini bildirdi. Görüşdən sonra da getdim hamama, başım qarışdı. Elə o gündən yapışqan ala bilməmişəm.

- Dünyanın hansı yığmaları ilə oyunda qapını qorumaq istərdin?

- Sözsüz ki, Azərbaycan yığması ilə. Elə düşünürəm ki, bütün həmkarlarım mənimlə eyni fikirdədirlər. Belə komanda ilə kim görüşmək istəməz ki...

İqor Akinfeyevin sözü olmasın, açığı, rus dilini ala-babat bilirəm. Rusiya yığmasında qapı etibar olunan adamın fikirlərini öz bildiyim kimi tərcümə eləməyə çalışdım. Heç bilmirəm necə alındı...   

Etibar Cəbrayıloğlu

“Het-trik news” qəzeti



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

21.06.2018

23:34  Fransa – Peru 1:0 VİDEO

21:23  Argentina – Xorvatiya - HEYƏTLƏR

18:23  Fransa – Peru - HEYƏTLƏR

16:06  Messi ağlayır

15:23  Danimarka - Avstraliya - HEYƏTLƏR

00:16  İran - İspaniya 0:1 VİDEO

20.06.2018

21:17  İran - İspaniya - HEYƏTLƏR

18:30  Uruqvay - Səudiyyə Ərəbistan - HEYƏTLƏR

15:22  Portuqaliya - Mərakeş - HEYƏTLƏR

02:39  Seneqalın qələbəsi VİDEO

01:36  Misirin məğlubiyyəti VİDEO

19.06.2018

23:22  Yaponiyanın qələbəsi VİDEO

15:51  Kolumbiya Yaponiya - heyətlər

14:23  "Qarabağ"ın rəqibi məlum oldu - YENİLƏNİB

12:33  Gunun oyunlarına necə baxaq? - TV AFİŞA

18.06.2018

23:26  İsveçin qələbəsi VİDEO

21:44  Tunis Ingiltərə - heyətlər

18:16  Belçika Panama - heyətlər

15:44  İsveç Cənubi Koreya - heyətlər

17.06.2018

21:20  Braziliya – İsveçrə - HEYƏTLƏR

21:07  Almaniya – Meksika 0:1 VİDEO
   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail