“Oynamayan komandanın baş məşqçisinin başını sığallamağa ehtiyac yoxdur”

24.12.2012 | 3346 dəfə oxunub

“Qəbələ” Ramiz Məmmədova əmanət olunandan sonra komandada olan yüksəliş göz qabağındadır. Məhz Məmmədovun gəlişindən sonra “Qəbələ” daha iddialı olmağa başladı və böyük ehtimalla, komanda “altılıq”da qalacaq. Baxmayaraq ki, hələ ilk “altılıq” oyunlarına 4 tur qalıb. Komandalar fasiləyə yollandığından, Ramiz Məmmədovla əlaqə saxlayıb komandasının hazırkı durumu və baş verəcək dəyişikliklər barədə suallarımıza cavab aldıq.

- Ramiz müəllim, çox güman ki, “Qəbələ” ilk “altılıq”dakı yerini qoruyacaq. Siz necə düşünürsüz?

- Biz hələ bunu etməmişik, sadəcə namizədik.

- Bu mənada düşərgədəki ab-hava necədir?

- Udan komandada ab-hava həmişə yaxşı olur. Uduzanda isə hər şey pis olur.

- Bəs ilk “altılıq” şanslarınızı necə qiymətləndirirsiz?

- Belə baxanda normaldır. İnşallah, biz də bunun üçün çalışırıq. Əsas məqsədimiz əvvəl ilk “altılıq”dakı yerimizi möhkəmləndirmək, sonrada avrokuboklara vəsiqə uğrunda mübarizə aparmaqdı.

- Azərbaycan klublarında belə bir “adət” var ki, komanda uduzandan sonra rəhbərlik həmişə futbolçulara təzyiq edir, amma bildiyim qədər “Qəbələ” rəhbərliyində belə hal yoxdur.

- Klub rəhbərliyi həmişə futbolçularından istədiyini tələb etməlidir. Bizim klubun rəhbərliyi futbolu yaxşı bilir və anlayırlar ki, komanda futbol oynayaraq uduzur. Oynamayan komandanın baş məşqçisinin başını sığallamağa ehtiyac yoxdur. Biz kişi kimi futbol oynayırıq və bütün Azərbaycan da görür ki, hücum futbolu göstəririk. Mən həmişə hücum futboluna üstünlük vermişəm. Biz təsadüf nəticəsində uduzuruq. Bizim komandada belə basqı yoxdur. Rəhbərlik futbolu yaxşı başa düşdüyü üçün görürlər ki, uduzduğumuz oyunlar da hesab oyuna görə olmayıb. “Turan”la oyun ən azı 5:0 xeyrimizə olmalıydı, “Bakı”nı ən aşağısı 3 və ya 4:0 hesabıyla udmalıydıq. “Simurq”la qarşılaşma da göz qabağında olub və ən aşağısı 3:1, 4:1 də bu matçı qazanmalıydıq. Başqa klublara gəldikdə isə, rəhbərlik baş məşqçiyə inanaraq onu bu vəzifəyə gətirir. Rəhbərlik son ana qədər baş məşqçinin işinə müdaxilə etməməlidir. Mənə elə gəlir ki, heç bir sıxma-boğma ilə uğur qazanmaq olmaz. Sadəcə olaraq məğlub olanda da rəhbərlik məşqçi və futbolçuların tərəfini saxlayaraq komandanı növbəti oyuna ruhlandırmalı, nəticə qazanmalıdır.

- Bayaq özünüz də dediz ki, uduzduğunuz oyunlarda rəqiblərdən daha üstün çıxış etmisiz. Üstünlük sizdə olsada, futbolçular son nöqtəni qoya bilmir...

- Mən daha əvvəl də demişəm, elə bil ki, qol vura bilməmək epidemiyası komandada baş alıb gedir.

- Bəs bu nə ilə bağlıdır?

- Bunu siz qiymətləndirsəz yaxşı olar. Mən bu komandanın baş məşqçisiyəm, klubun sirlərini çölə çıxarda bilmərəm.

- Deməli, hücumçuların işi sizi razı salmır...

- Qol vurmayan hücumçuların işi komandanın baş məşqçisini razı salırsa, onda biz orada niyə işləyirik ki? Əlbəttə ki, onların gördüyü iş məni razı salmır. Bir oyunda ən aşağısı 7-10 arası mütləq qol vəziyyəti olursa və hücumçu da bundan yararlana bilmirsə, onun işi məni razı sala bilməz. Əgər hansısa bir futbolçumuz bunlardan yararlana bilsəydi, indi bombardir Kanales yox, bizim futbolçumuz idi.

- Onda gözləmək olar ki, fasilədə komandanıza yeni hücumçular cəlb olunsun?

- Biraz səbirli olun, hamısını görəcəksiz. Gəlin zamanı qabaqlamayaq. Klubun prezidenti Tale müəllimlə görüşümüzdən sonra məlum olacaq ki, kimlər komandadan gedəcək, kimlər qalacaq.

- Bəs bu görüş nə vaxta nəzərdə tutulub?

- Yeni ilə qədər rəhbərliklə görüşümüz olacaq. Görüşümüzdən sonra da bu barədə lazımi məlumatları mətbuata verəcəyik.

"Het-trik news" qəzeti

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

“Oynamayan komandanın baş məşqçisinin başını sığallamağa ehtiyac yoxdur”

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023