Anri: "Morata, Keyn və Lukaku dünya səviyyəsində deyillər"

Sabiq "Arsenal"lı Tyerri Anri İngiltərə Premyer Liqasında çıxış edən hücumçular barədə fikirlərini bölüşüb. Stadium.Az xəbər verir ki, fransalı mütəxəsis bunları deyib:

"Premyer Liqada işini görməklə uzun illər səviyyəsini nümayiş etdirən Aquero dünya səviyyəli futbolçu statusuna daha yaxındır. Serxio İngiltərə çempionu olub, dünya çempionatında final oynayıb. Hamıdan çox o, öz adından söz etdirib.

Haqqını vermək lazımdır. Məncə, hərdən Aquero oyunda görsənmir. Amma statistika onu ən yaxşı olduğuna sübutdur.

Morata, Keyn və Lukaku dünya səviyyəsində olmasa da, buna yetişəcək. Romelu "Mançester Yunayted"ə yeni gəlib və Çempionlar Liqası təcrübəsi yoxdur. Dünya ulduzları ətrafında həmişə mübahisə gedir.

Keyn özü də deyirdi ki, sadaladığım səbəblərdən dünya səviyyəli futbolçu deyil. Bu oğlanların Premyer Liqada çıxış etməsinə sevinmək lazımdır. Təəssüf ki, "Tottenham" ötən mövsüm Çempionlar Liqasında qrupdan çıxa bilmədi. Avroliqa macərası da qısa sürdü. Keyn milli komanda ilə Avropa çempionatında da çox irəli gedə bilmədi.

Morata "Real"da daha çox əvəzetmədən oyuna qoşulurdu. "Yuventus"da Alvaro yaxşı mövsüm keçirdi. Amma orda Karlos Tevez və Fernando Lyorente ilə hücum tandemi təşkil edirdi. Bunu Moratanın komandası saymaq olmaz. Hazırda Morata "Çelsi"ni, Lukaku isə "Yunayted"i öz komandasına çevirməyə çalışır. Bu baxımdan "Tottenhem" Keynin öz komandasıdır. Aquero hələ Çempionlar Liqasında qalib olmayıb. Lakin "Mançester Siti" onun komandasıdır".