Georgi Çixradze: "İnter"in iki mərhələ keçməsi mənim üçün sürpriz oldu"
Artıq dağılmış "Simurq" klubunun sabiq çalışdırıcısı, hazırda Gürcüstan millisində köməkçi məşqçi çalışan Georgi Çixradze müsahibə verib.
- Azərbaycan Premyer Liqasının II turunun "İnter" - "Neftçi" oyununu izləyənlər arasında idiniz. Bu matçda vaxtı ilə köməkçi məşqçi kimi işlədiyiniz "İnter" 1:0 hesabı ilə qalib gəldi. Əvvəlcə bu oyunla bağlı fikirlərinizi bilmək istərdim.
- Əvvəlcə oyun bərabər səviyyədə gedirdi. Ancaq "Neftçi"nin qırmızı vərəqə almasından sonra üstünlük "İnter"in tərəfinə keçdi. Demək olar ki, oyun ərzində çoxlu qol epizodları da olmadı. Düşünürəm ki, "İnter" əlinə düşən imkandan maksimum yararlandı. "Neftçi"də isə son zərbəni vurmağa güc və qol vurmağı öz üzərinə göstərən kimsə tapılmadı. Hesab edirəm ki, "İnter" layiqli qələbə qazandı.
- Səhv etmirəmsə, indiki "İnter"i ilk dəfə tribunada canlı izlədiniz. Zaur Svanadzenin "İnter"i hansı cəhətinə görə Kaxaber Tsxadadzenin "İnter"indən fərqlənir?
- Əlbəttə, ilk növbədə ötənilkindən fərqli, bu komandada yeni futbolçuların olduğunu qeyd etməliyəm. İndiki komanda topa daha çox nəzarət edir, qapıya çox da zərbə endirməyə tələsmir. Belə baxanda indi müqayisə aparmaq da düzgün olmazdı. Çünki indi heyətdə tamamilə başqa futbolçular var. Heyət eyni qalsaydı, müqayisə aparmaq mümkün idi.
- Demək olarmı ki, sizin Azərbaycana səfəriniz seleksiya xarakteri daşıyır?
- Bəli. Bildiyiniz kimi, Avropa çempionatının seçmə oyunları gedir. Biz, milli məşqçiləri də heyətə yeni oyunçular qatmaq üçün işləyirik. Kaxa Ukraynada, mən isə burdayam. Yeni oyunçuları milliyə cəlb etmək üçün çalışırıq.
- Azərbaycandan hansı oyunçuları nəzərdə tutursunuz?
- Biz "İnter"in 3 gürcü oyunçusu - Nika Kvekveskeri, Zurab Xizanişvili və Laşa Kasradzenin oyunlarını izləyirik. Ümumiyyətlə, Azərbaycan çempionatında oynayan bütün gürcü futbolçuları təqib edirik. Çünki seçmə mərhələ oyunlarına artıq az qalıb. Sentyabrın 4-də Şotlandiya, 7-də isə İrlandiya ilə oynayacağıq. Ardıcıl bu 2 oyun üçün milliyə namizəd futbolçulara qısa müddətdə nəzər salıb onların ən yaxşılarını komandamıza cəlb etməliyik.
- Sizə yəqin ki, daha çox müdafiəçi lazımdır. Çünki sonuncu oyununuzda Polşaya 0:4 hesabı ilə uduzdunuz...
- Bizə təkcə mövqelər üzrə oyunçular lazım deyil. Polyaklarla oyunda son 3 qolu son 5 dəqiqə ərzində qapımızdan buraxdıq. Çünki oyunçularımız artıq fikirləşirdi ki, matç bitib. Nəinki yığma səviyyəsində olan, ümumiyyətlə futbolçular final fitinə kimi oynamalı, bir an belə arxayınlaşmamalıdır. Əks halda rəqib imkanlarından yararlanacaq. Ona görə sualınıza cavab olaraq qeyd etməliyəm ki, təkcə müdafiə xətti üzrə yox, digər mövqelər üzrə də oyunçular axtarırırıq.
- "İnter"in Avroliqada keçirdiyi oyunlar barədə nə deyə bilərsiniz?
- Obyektiv olsaq, deməliyəm ki, bu komanda avrokubokların rəsmi oyununa qısa müddət qalmış yığılmışdı. Komanda yaxşı hazırlıq keçməmişdi, çoxlu yeni oyunçular gəlmişdi ki, sözsüz, bu, "İnter"in avrokuboklarda çıxış etməsi baxımından çətin idi. Həm baş məşqçi, həm də komanda üçün çətin dövr idi. Ancaq onlar 2 mərhələ keçməyi bacardılar...
- Onların 2 mərhələ keçməsi sizin üçün sürpriz oldu?
- Bəli. Burda komandanın köklənməsi, düzgün oyun üslubu, rəqiblərin buraxdığı səhvlərdən maksimum yararlanmaq kimi amillər əsas rol oynadı. Mövsümöncəsi maddi problemlərin olmasına, komandanın yeni yığılmasına, tam hazırlıq keçə bilməməsinə baxmayaraq, "İnter" 2 mərhələ adladı. Ona görə də "İnter"ə halaldır. III mərhələdə isə "Atletik" kimi güclü komanda ilə düşdülər.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |