Ruslan Qurbanov: "Bəzi futbolçularımız var ki, onlar tam gücləri ilə oynamırdılar" - MÜSAHİBƏ
“Neftçi”nin hücumçusu Ruslan Qurbanov “Rəvan”a 2:3 hesablı məğlubiyyətdən sonra jurnalistlərin suallarını cavablandırıb:
-
Autsayderlə də bacara bilmədiniz. 2:3 hesabıyla uduzduğunuz qarşılaşmanı necə
xarakterizə edərdiniz?
- Nə fikirləşə bilərəm, axı biz məğlub olmuşuq. Həmişə deyirdim ki, Azərbaycan çempionatında zəif rəqib yoxdu. Hətta komanda yoldaşlarıma dedim ki, hər oyuna ciddi yanaşmaq lazımdı. Matçdan əvvəl bu qarşılaşmanın “Qarabağ”la dueldən daha çətin keçəcəyini bildirmişdim.
- Oyun ərzində
azarkeşlər komandanızın üzvlərini təhqir etdilər. Matç başa çatdıqdan sonra isə
siz onların yanına getdiniz...
- Komanda çətin vəziyyətdədi. Azarkeşlərin də öz narazılıqlarını bildirmək hüququ var. Onlarla söhbət zamanı aramızda pis nəsə danışılmadı. Hansısa aqressivlik olmadı. Sadəcə, pis hava şəraitində belə stadiona gəldiklərinə görə təşəkkür etdim, növbəti matçda onları sevindirəcəyimizi bildirdim.
- Çempionatda asan
rəqib olmadığını dediniz. Amma “Neftçi”ni “Rəvan”la bərabər saymaq nə dərəcədə
uğurlu müqayisədi?
- “Neftçi” autsayder olmayacaq. Bu məğlubiyyətdən nəticə çıxarıb “Xəzər Lənkəran”la matça ciddi hazırlaşacağıq. İndi kimisə günahlandırmaq istəmirəm. Komanda şəklində uduzmuşuq. Lakin bəzi futbolçularımız var ki, onlar tam gücləri ilə oynamırdılar. Sual verməyin, çünki ad açıqlamayacam.
- Azarkeşlər bəzi
futbolçuların oyunu satması ilə bağlı şüarlar səsləndirirdilər. Siz də komanda
yoldaşlarınızı ittiham edirsiniz. Daxildə hansı proseslər gedir?
- İki dəqiqəyə 2, beş dəqiqəyə isə 3 qol buraxmaq olmaz. Bunu əminliklə deyə bilərəm.
- Bəs komandanın
növbəti oyunlarda daha yaxşı çıxış edəcəyi ilə bağlı əminlik hardandı? 12
oyunun cəmi 3-də qələbə qazanmısınız..
- Bunu hiss edirəm. Çıxışımızı yaxşılaşdıracağıq və mövsümü mükafatçılar sırasında başa vuracağıq. Dekabrdan sonra vəziyyət daha yaxşı olacaq.
- Baş məşqçi Samir
Əliyev bu oyunla avrokuboklara vəsiqə qazanmağın çətin olacağını deyib.
- Durumumuzu yaxşılaşdırmağa çalışacağıq. “Kəpəz” və “Zirə” ilə oyunlarımız gəlir. Hər iki matçda qələbə qazana bilsək, üçüncü pilləyə yüksələcəyik.
- Bu uğursuz çıxışda
konkret kim günahkardı: rəhbərlik, baş məşqçi, futbolçular?
- Futbolçular.
- Meydanda tam gücü
ilə oynamayan futbolçular bəlkə baş məşqçinin dəyişdirilməsini istəyirlər?
- Əgər belə futbolçular varsa, birinci onlar komandadan kənarlaşdırılacaqlar. Baş məşqçinin heç bir günahı yoxdu. O, bizə hər zaman ciddi hazırlaşmağı tapşırır və dəstəyini əsirgəmir.
- Bəlkə futbolçulardan
kimsə bilərəkdən zəif oynayır?
- “Neftçi”də hansısa futbolçunun oyun satacağına inanmıram. Bu, mümkün deyil.
- Bəs niyə bəzi
futbolçular tam gücləri ilə oynamırlar?
- Onlar bəlkə də fikirləşirlər ki, ehtiyat oyunçular skamyamız qısadı, zədəli futbolçularımız var, buna görə də daim əsas heyətdə çıxış edəcəklər. Bu mənə də aiddi, əgər pis oynasam heyətə düşə bilməyəcəm. Dekabrdan sonra isə hər şey qaydasına düşəcək və biz mükafatlar uğrunda mübarizəyə qoşulacağıq.
- Gec olmayacaq?
- Əlbəttə, gec olacaq. Çalışacağıq ki, qışa qədər az
xal itirək. “Sumqayıt”la oyundan sonra “qara zolaq”dan çıxdığımızı düşünürdük.
Amma belə deyilmiş. Yaxşı başladıq, ardını gətirə bilmədik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |