Şahin Diniyev: "Belə deməyim düz çıxmaz" - MÜSAHİBƏ
"Kəpəz"in baş məşqçisi Şahin Diniyevin müsahibəsini təqdim edirik:
- Qış fasiləsindən sonra komandanızın belə uğurlu çıxış edəcəyini gözləyirdiniz?
- Belə deməyim düz çıxmaz. Nəticələr mənim gözlədiyimin üstündədir. "Qəbələ" (3:0) və AZAL (2:0) üzərində qələbələr daha çox oldu, nəinki mənim gözlədiyim. Amma yaxşı toplanış keçdiyimizi qeyd edə bilərəm. Şübhəsiz ki, belə hazırlıqdan sonra komandadan yaxşı nəticə gözləyirsən. Bu, bizim yaxşı çalışmağımızın nəticəsidir. Lakin hələ yolun başlanğıcındayıq və heç nəyə nail olmamışıq.
- Yəni Yevlaxda hazırlıq keçmək Türkiyə toplanışından faydalıdır?
- Belə bir iddia irəli sürmək peşəkarlıqdan uzaq olar. Nə qədər imkan varsa, bir o qədər yaxşı şərtlər altında hazırlaşmaq lazımdır. Nəticələrə görə toplanışların yerini müqayisə etmək düz deyil. Hansısa komandaların uğursuz çıxış etməsinin bu və ya digər səbəbləri var.
- "Kəpəz"dən "Qarabağ"la oyunda da sürpriz gözləməyə dəyər?
- Tələsməməliyik, bir az səbrli olmaq lazımdır. Bizim bundan sonra da həm uğurlu, həm də uğursuz nəticələrimiz olacaq. Bundan sonra "Kəpəz"i heç bir komadanın məğlub edə bilməyəcəyini iddia etmək düz olmaz. Asan oyunumuz olmayacaq. Özü də bunu təkcə "Qarabağ"la görüşə aid etmirəm. Kağız üzərində onlar bizi çox üstələyirlər. "Qarabağ" çox güclüdür. Amma qarşıdakı oyunda biz nələrisə dəyişməyə çalışacağıq. Sadəcə, bunun üçün çox güc sərf etməliyik.
- Gəncə şəhər stadionunda qazonun pis olması doğrudan da sizin üçün üstünlükdür?
- Birmənalı olaraq, xeyr. Biz də rəqiblərimiz kimi bundan əziyyət çəkirik. Məsələn, "Rəvan" və "İnter"lə ev oyunlarında məhz buna görə xal itirdik. Amma mən qazonun durumunun o dərəcədə pis olduğunu da deməzdim. Daha pisləri var. Odur ki, bu cür qazonda oynamaq bu və ya digər komanda üçün bəraət hesab olunmamalıdır.
- "Kəpəz" tədricən avrokuboklara yaxınlaşır...
- Biz bu barədə düşünmək istəmirik. Futbolçulara da bu barədə danışmağı qadağan etmişəm. Turnir cədvəlindəki sıxlığı nəzərə alsaq, hər şey çox sürətlə dəyişə bilər. İstəsək də, istəməsək də, bu mövsüm uğursuz oyunlarımız da olacaq. Sadəcə, bizim həmin dövrü necə keçirəcəyimiz çox önəmlidir.
- Niyə özünüzü uğursuz oyunlara hazırlayırsınız?
- Bütün oyunları eyni tempdə keçirə bilmərik. Ən azından ona görə ki, heyətdə ciddi rotasiyalar etməyə imkanımız yoxdur. Hazırda çempionatın heç bir iştirakçısı avrokuboklarda oynayacağını indidən iddia edə bilməz.
- Komandanızın azarkeşləri stadionun təmir olunmasını tələb edirlər...
- Onları başa düşmək olar. Onlar komandalarının avrokuboklardakı ev oyunlarını Gəncədə izləmək istəyirlər. Hər oyunumuza 12-15 min azarkeş gəlir. Bu, ciddi dəstəkdir. Avrokuboklara vəsiqə qazansaq, onların hamısının Bakıya gəlməsi çətin olacaq. Amma tələsməməliyik. Biz hələ öz hədəflərimizdən çox uzağıq.
- Deməli, avrokuboklara vəsiqə qazansanız, Bakıda çıxış edəcəksiniz?
- Bu məsələ ilə klub rəhbərliyi məşğul olur.
- Baxışa çağırdığınız Orxan Əliyevlə bağlı yekun qərarınız nə oldu?
- O, gənclərdən ibarət yığmamızın üzvüdür və yenidən millimizə qayıtmağını istəyirik. Zədəsi olmasa, "Kəpəz"də görmək istəyərdik. Hazırda komandamızla məşq edir. Özünü göstərmək üçün yaxşı şansı var. (azerisport)
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |