Fariz Nəcəfov: "Yox, bu, mümkün deyil"

Fariz Nəcəfov: "Yox, bu, mümkün deyil" - MÜSAHİBƏ

15.04.2016 | 3335 dəfə oxunub

"Tale Heydərovun büdcəni azaltmağa haqqı var"

“Qəbələ" klubunun vitse-prezidenti Fariz Nəcəfovun müsahibəsini təqdim edirik:

- "Qəbələ"nin futbol komandasının son turlardakı uğursuz çıxışının səbəbini nədə görürsünüz?

- Bu dəqiqə futbol bizim ən ağrılı yerimizdir. Komandanın son turlardakı uğursuz çıxışı davam edir. Lakin bu uğursuzluqla bağlı ciddi bir səbəb tapa bilmirik. Hər oyunda bərbad çıxış etdiyimizi deməzdim. Bəzi oyunlarda bəxtimiz gətirmir. Komanda yaxaladığı imkanları dəyərləndirə bilmir. Məni ən çox narahat edən odur ki, problemin nədən qaynaqlandığı tapa bilmirik. Problemin kökünü tapa bilsək, araşdırıb həll edərik. Bununla belə, yenə də komandaya inanırıq. Medallar uğrunda sona qədər mübarizə aparacağıq.

- Artıq çempionluq şansınızı itirmisiniz. Söyləmək olarmı ki, "Qəbələ"nin hazırda əsas hədəfi ölkə kubokunu qazanmaqdır?

- Çempionluq əldən gedib. Bu, birmənalı şəkildə belədir. Məncə, ikinci yeri tutmağımız da çətindir. Amma bürünc medala sahib çıxa bilərik. Ona görə də üçüncü yer uğrunda sonadək mübarizə aparmalıyıq. Digər hədəfimiz isə ölkə kubokunu qazanmaqdır. Düşünürəm ki, komandanın gücü hər iki cəbhədə mübarizə aparmağa imkan verəcək.

- Qışda Roman Qriqorçukla yeni müqavilə imzalananda o bildirmişdi ki, əsas hədəf mövsümü titulla başa vurmaqdır. "Qəbələ" istəyinə çatmasa, necə olacaq?

- Təbii ki, mövsümü tiltulsuz başa vursaq, məyus olacağıq. Bu nəticə rəhbərliyi qane etməyəcək. Klub rəhbərliyi, məşqçilər, futbolçular - hamı istəyir və əlindən gələni edir ki, “Qəbələ” mövsümü titulla başa vursun.

- Son turda “Sumqayıt”la oyundan sonra Qriqorçuk hakimlərdən narazılığını sərt şəkildə bildirdi. Uğursuzluğun səbəbini hakimliklə bağlamaq olar?

- Baş məşqçimizin hakimliklə bağlı danışmağa haqqı var. Çünki hakim ədalətsizliyi ilə tək “Sumqayıt”la oyunda rastlaşmamışıq. Narazılıqlar hissə-hissə yığılmışdı və son oyunda partladı. Qriqorçuk hakimlərlə bağlı bizə də şikayət edib. Lakin “Qəbələ” kimi klub uğursuzluğun səbəbini hakimdə axtara bilməz. Bütün uğursuzluğu hakimlərin üstünə yıxmaq fikrində deyiləm. Amma o da düzdür ki, “Sumqayıt”la oyunda hakim qələbəmizə mane oldu. Buna qədər də ciddi hakim səhvləri ilə qarşılaşmışıq. Qriqorçukun hakimlərdən şikayətlənməyə haqqı çatır. Demirik ki, hakimlər bizə kömək etsinlər. Qoy, ədalətli hakimlik olsun.

- Hakimlərin idarəçiliyi ilə bağlı hər hansı formada etiraz bildirməyiniz mümkündür?

- Dəfələrlə etiraz etmişik. Amma bu, birinci və axırıncı hal deyil. Hakimlərin daha kobud səhvləri də olub. Cəzalansalar da, bunun bir xeyri olmur.

- Uğursuzluq olanda klub haqda müxtəlif xəbərlər yayılır. Son günlər klub prezidenti Tale Heydərovun nəticələrdən narazı qaldığı və mövsümün sonunda büdcəni azaldacağı barədə xəbərlər dolaşır. Bu, nə dərəcədə doğrudur?

- Bu barədə klub prezidenti mənə heç nə deməyib. Elə şey olsaydı, xəbərim olardı. Amma belə bir fikrə düşübsə, haqqı var. Qoyulan büdcə ilə komanda titul əldə etməlidir. “Qəbələ” uğurlu çıxış etməyə borcludur.

- Roman Qriqorçukun qurduğu heyət də birmənalı qarşılanmır. Qışda transfer olunan Pavel Paşayevin hələ də debüt etməyib. Bu haqda nə deyə bilərsiniz?

- Biz baş məşqçinin işinə qarışa bilmərik. Paşayevi komandaya gətirmişdik ki, rəqabət artsın. Komandamızda müdafiənin cinahlarında azərbaycanlılar oynayır. Həmin mövqedə mütləq yerlilər olmalıdır. Başqa mövqelərdə yerli futbolçulara şans vermək imkanımız azdır. O ki qaldı Paşayevin oynamamasına, bu suala baş məşqçi dəqiq cavab verə bilər. Amma onu da deyim ki, hər oyuna kim daha hazırdısa, o da meydana çıxır. Bu gün Arif Daşdəmirov, Məhəmməd Mirzəbəyov, Ürfan Abbasov oynayırsa, deməli, daha hazırlıqlıdırlar. Futbolçu heyətə düşə bilmirsə, günahı özündə axtarmalıdır.

- Qriqorçukun Paşayevlə prinsip apardığı da söylənilir...

- Yox, bu, mümkün deyil. Çünki Qriqorçuk prinsipi olduğu futbolçunu dərhal komandadan uzaqlaşdırır. Daha əvvəl də bunun şahidi olmuşuq.

- “Qəbələ”nin idman direktoru Toni Adamsın Danimarka "Bröndbü”sünə baş məşqçi təyin olunacağı bildirilir. Adams bununla bağlı sizə hər hansı məlumat verib?

- Bu xəbərləri mətbuatdan oxumuşam. Onunla bu haqda danışmamışıq. Yəqin ki, düz olsaydı, Toni bizi xəbərdar edərdi. Adams “Qəbələ” və “Bröndbü” arasında uşaq futbolu ilə bağlı əməkdaşlığa görə danimarkalılarla danışıqlar aparıb. Bəlkə də xəbərlər elə ondan qaynaqlanır.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Fariz Nəcəfov: "Yox, bu, mümkün deyil" - MÜSAHİBƏ

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023