Ozobiç: "Ola bilsin, uduzmadıqlarına görə belə sevinirdilər"

Ozobiç: "Ola bilsin, uduzmadıqlarına görə belə sevinirdilər" - MÜSAHİBƏ

13.02.2017 | 3657 dəfə oxunub

Azərbaycan Premyer Liqasının XVIII turunda “Zirə”nin qonağı olan “Qəbələ” oyun ərzində hesabda 2 dəfə önə keçsə də, qələbə qazana bilmədi. Matçdan sonra “qırmızı-qaralar”ın yarımmüdafiəçisi Filip Ozobiç jurnalistlərin suallarını cavablandırıb.

- Bu gün 2 vacib xal itirdiniz. Oyunun niyə belə alındığını izah edə bilərsiniz?

- Xüsusilə də son dəqiqələrdə buraxılan qola görə qələbəni əldən vermək adamı təəssüfləndirməyə bilməz. Razıyam, Zirədə 2 xal itirdik. Halbuki, qələbəyə çox yaxın idik, iki dəfə hesabı lehimizə dəyişdik. Bunu unutmalı və “Qarabağ”ı məğlub etməliyik.

- Son saniyələrdə üstünlüyünüzü qoruya bilməməyinizə nə mane oldu?

- Bəlkə də bəxtimiz gətirmədi. Başqa nə deyim?! Oyun ərzində 2 qol buraxdıq, belə olmaz.

- Əlavə vaxtda buraxılan qollar ikiqat zərbə olur futbolçulara. Sizin üçün bunu belə dəyərləndirmək mümkündü?

- Elə deməzdim. Bu, futboldu, belə hallar ilk deyil, son da olmayacaq. Növbəti oyuna hazırlaşmalıyıq.

- Rasim Ramaldanovun qovulmasından sonra azlıqda mübarizə apardınız və hesabda önə keçdiniz. Amma “Zirə” bərabərlik qoluna həddindən artıq sevinirdi. Onları bu qədər sevinməyə nə vadar edirdi?

- Bunu deyə bilmərəm. Özlərindən soruşun. Ola bilsin, uduzmadıqlarına görə belə sevinirdilər. Yəqin bizimlə dueldən xalla ayrılmağı çox istəyirdilər. İstəklərinə çatdıqlarına görə sevinirlər...

- Komanda yoldaşınıza göstərilən qırmızı vərəqədə referi nə dərəcədə ədalətli qərar qəbul etdi?

- Bağışlayın, hakimlər barədə danışmaq, nəsə demək istəmirəm. Bizim işimiz futbolumuzu oynamaqdı.

- Növbəti turda liderlə qarşılaşacaqsınız. Birinci dövrədə yendiyiniz rəqibi yenə həmin məkanda üstələmək mümkün olacaqmı?

- Qəbələdə keçiriləcək həmin oyunda ancaq qələbə qazanmaq, aktivimizə 3 xal yazdırmaq istəyirik. Ancaq indidən həmin matçın çempionluğun taleyini həll edəcəyini heç kim düşünməsin. Çünki qarşıda çoxlu oyunlar var. Vəziyyət hər an dəyişə bilər.

- Uduzsanız, onlara çatmaq çətin olacaq?

- Biz də qələbə haqda düşünürük. Hazırlığımızı da buna uyğun quracağıq. Qələbə qazanmaq üçün kifayət qədər şansımız da var.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Ozobiç: "Ola bilsin, uduzmadıqlarına görə belə sevinirdilər" - MÜSAHİBƏ

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023