Roman Qriqorçuk: "Fikrim qalan matçlarda qələbə qazanmaq və kuboku götürməkdi"

10.04.2017 | 3376 dəfə oxunub

Azərbaycan Premyer Liqasının 25-ci turunun oyununda səfərdə "Qarabağ"la qolsuz bərabərəq alan "Qəbələ"nin baş məşqçisi Roman Qriqorçuk oyundan sonra təşkil olunan mətbuat konfransında jurnalistlərin suallarını cavablandırıb:

- Təəssüf ki, istədiyimiz nəticəni əldə edə bilmədik. Düşünürəm ki, lazımi tapşırıqları yerinə yetirib, heç-heçə etdik. Yolumuza davam edirik.

- Cavid Hüseynov ikinci hissədə zəif təsir bağışladı. Onu Rasim Ramaldanovla əvəzləyib, Rəşad Sadiqovu mərkəzə çəkə bilməzdinizmi?

- Düşünürəm ki, hər şeyi düz etdik. Belə müzakirələr etsək, səhərə qədər vaxt çatmaz. Düzgün hesab etdiyim dəyişikliklərə əl atdıq.

- “Qəbələ”nin çempion olub-olmaması sizin burdakı taleyinizə təsir edəcəkmi?

- Bir ay sonra nələr olacağını indidən danışa bilmirik. İndi fikrim qalan matçlarda qələbə qazanmaq və kuboku götürməkdi. Buna sonra baxmaq olar.

- Oyunun gedişində 2 hücumçulu taktikaya keçə bilməzdiniz?

- Biz bütün oyunu 4 hücumçu ilə oynadıq. Potensial cəhətdən yerlərini dəyişmək olardı. Amma bu gün lazım olanı etdik.

- Çempionluq şansınızı necə dəyərləndirirsiz?

- Son 3 oyunda 9 xal toplamaq olar. Bu səbəbdən nəsə demək çətindi. Bunlar tapmacalardı. Düzdü, “Qarabağ”ın çempionluq şansı daha çoxdu.

- Bu gün qələbə üçün nə çatmadı?

- “Qarabağ” çox yaxşı oynadı. Rəqib müdafiədə səhvsiz çıxış etdi. Ümid edirdik ki, bizim sürətimiz daha çoxdu. Amma “Qarabağ” bunun qarşısını layiqincə aldı.

- Bəzi planlaşdırılmamış xal itkiləriniz oldu. Düşünmək olarmı ki, “Qarabağ”dan öncə əsas rəqibiniz elə “Qəbələ” özüdü?

- Bəli, razıyam. Elə oyunlar oldu ki, qalib gəlməmək mümkün deyildi, heç-heçə etdik. Bəzi matçlarda 10-15 qol vəziyyətinə baxmayaraq, qələbə qazana bilməmişik. İdeal oynamadığımızı bilirəm. Əsas problemimiz qol yolları ilə bağlı oldu.

- “Qəbələ” daha çox kubok komandası kimi tanınır. Kubokun finalında komandanı bu baxımdan kökləməyin sizə daha rahat olacağını düşünmək olarmı?

- Titullar həmişə az olub. “Qarabağ” çempion olsa, bunun dadını görüb, daha birini əldə etməyə çalışacaq. Məncə, finalda onların motiivasiyası daha güclü ola bilər.

- Real gücləri nəzərə alsaq, “Qarabağ”ın qarşıdakı turlarda xal itirmək ehtimalı daha çoxdu, yoxsa “Qəbələ”nin kuboku qazanmaq?

- Belə sualdan düşünmək istəyirəm ki, mənə məşqçilik lisenziyası yox, peyğəmbərlik lisenziyası lazımdı (gülür). Çünki belə şeyləri öncədən müəyyənləşdirmək mümkün deyil.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Roman Qriqorçuk: "Fikrim qalan matçlarda qələbə qazanmaq və kuboku götürməkdi"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023