"Mən bu oyunda həddindən artıq motivasiya görmədim"

05.10.2017 | 2044 dəfə oxunub

DÇ-2018-in seçmə mərhələsində Çexiya ilə qarşılaşan yığmamızın müdafiəçisi Rəşad Sadıqov üçün bu oyun milli formada sonuncu olub. Stadium.Az xəbər verir ki, kapitan matçdan sonra jurnalistlərin suallarını cavablandırıb.

- Təəssüf ki, milli komandada son oyunun məğlubiyyətlə nəticələndi. Nə baş verdi meydanda?

- Oyundan əvvəl də qeyd eləmişdim ki, rəqib güclüdür. Sıralamada bizdən geridə olsa da, səviyyələri şübhə doğurmayacaq komandadı. Yenə təkrar edirəm, Çexiya Şimali İrlandiyadan üstündü. Çoxlu top itkilərimiz oldu, nəticədə məğlub olduq.

- Komanda yoldaşlarınız oyundan qabaq deyirdilər ki, Rəşada görə qalib gəlməliyik. Necə düşünürsən, bəlkə həddən artıq motivasiya “yanmağınıza” səbəb oldu?

- Mən bu oyunda həddindən artıq motivasiya görmədim. Rəqib bizi üstələyirdi. Daha yaxşı oynaya bilərdik. Bu, ən yaxşı çıxışımız deyil. Təəssüflənirəm.

- Rəşad millidə nə arzulayırdı, nələrə nail oldu? Ümumiyyətlə, razı gedirsən millidən?

- Əlbəttə ki, hər bir idmançının arzusudu ki, böyük turnirdə iştirak etsin. Bu da mənim əlçatmaz arzum idi. Bu tsikldə yaxın idik buna, ancaq Şimali İrlandiyaya məğlubiyyət hər şeyin sonu oldu. Ümumilikdə isə 16 il millidə oynamaq məncə, yüksək nəticədi. Hər futbolçu belə karyeraya sahib olmaq istəyər. Bütün komanda yoldaşlarıma, məşqçilərimə, azarkeşlərimə minnətdaram. Daha yaxşı nəticələr qazana bilərdik.

- Xəyal elədiyin bir sonluq var idi?

- Bugünkü oyunda qələbə qazansaydıq, qrupu üçüncü yerdə bitirəcəkdik. Bu da yaxşı vida olardı mənim üçün.

- Kənardan millini izləmək çətin olmayacaq ki?

- Əlbəttə ki, çətin olacaq. Ancaq bununla barışmalıyıq.

- Almaniya qarşısında oyanamasan da, heyətlə səfərə yollanacaqsan?

- Bəli, komandanın yanında olacam.

- Məyus görünürsən. Bu, məğlubiyyətə görədi, yoxsa, son oyunun verdiyi kədərdi?

- Əsas məyusluğum bugünkü məğlubiyyətə görədi.

- Sakit oldu gedişin. Hər halda 16 il millidə oynamış futbolçunun gedişi bir az fərqli ola bilərdi...

- Mən heç vaxt məğlubiyyətlə barışmamışam. Bu gün də həmçinin. Ona görə kefsizəm.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Fransa finalda - YENİLƏNİB
Son xəbərlər

17.07.2018

16.07.2018

15.07.2018

22:37  Ronaldo Turinə gəlib - FOTO

18:11  Fransa - Xorvatiya - HEYƏTLƏR

14.07.2018

17:19  Belçika - İngiltərə - HEYƏTLƏR

13.07.2018

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail