Cavid İmamverdiyev: "Hədəfimiz Premyer Liqada qalmaqdır" - MÜSAHİBƏ

09.02.2019 | 1863 dəfə oxunub

"Sabah”ın kapitanı Cavid İmamverdiyev Azərbaycan Premyer Liqasının 16-cı turunda evdə “Qəbələ”yə 0:1 hesabı ilə uduzduqları oyundan sonra jurnalistlərin suallarını cavablandırıb:

-“Qəbələ” ilə oyunlarımız hər zaman ağır keçib. Bugünkü qarşılaşma da bunu təsdiqlədi. Heyif ki, Marko qırmızı vərəqə aldı. Ondan sonra bizə daha çətin oldu. Hesabda geri düşdükdən sonra toparlana bilərdik. Əsl heç-heçəlik oyun idi. Elə görünürdü. Deviçin qovulmasından sonra qol vurmaq çətin idi. Yeganə hücumçumuzu itirdik. “Qəbələ”ni təbrik edirəm. Qarşıda “Səbail”lə oyunumuz var. Çalışacağıq ki, bu məğlubiyyəti unutduraq.

- Deviçin qırmızı vərəqə gördüyü epizodla bağlı nə deyə bilərsən?

- Hakim qərar veribsə, demək ki, elədir. Əlbəttə, o cür epizodlarda həm oyunçu, həm kapitan olaraq öz etirazını bildirməlisən.

- Ancaq epizodun təkrarına baxanda, həqiqətən simulyasiya olduğu görünürdü.

- Bəli. Amma lap təkrarı əvvəlcədən görsən belə, etiraz etməyə məcbursan ki, “qırmızı” verməsin.

- Demək olarmı ki, sizi Deviç uduzdurdu?

- Yox, deməzdim. Onun yerində hamı ola bilərdi. Marko o qədər oyunda bizə qələbə qazandırıb ki. Düşünmürəm ki, buna görə Deviçi qınamaq lazımdır. O da istəyirdi ki, penalti qazanaq. Heyif ki, belə alındı.

- Bu məğlubiyyətdən sonra turnir cədvəlində 5-ci pilləyə düşdünüz...

- Bu, bizi heç qorxutmur. Çünki hədəfimiz Premyer Liqada qalmaqdır. İnanıram ki, xallar qazanıb, bunun öhdəsindən rahatlıqla gələcəyik.

- İki oyundur futbolçularınız qırmızı vərəqə alır. Komanda intizamlıq var?

- Bunu onunla bağlamaq istəmirəm. Gördüyünüz kimi, hər iki qırmızı vərəqə oyun epizodunda olub. Futbolçularımız kimisə qəsdən vurmayıb ki. Həm də Elşad müəllim elə bir nizam-intizam yaradıb ki, hansısa bir futbolçunun buna əməl etməməsinə inanmıram.

- Birinci hissədə qırmızı vərəqə alırsınız, planlar pozulur. Meydanda 70 dəqiqə azlıqda qalmaq əlavə güc sərfi deməkdir.

- Mən yenə deyirəm, bunu intizamsızlıqla əlaqələndirmək istəmirəm. Futbolda hər şey ola bilər. Deviç penalti almaq istədi, alınmadı.

- Hakim öz qərarları ilə oyuna təsir göstərdimi?

- Hakim haqqında danışmağı sevmirəm. Ona görə də heç nə demək istəmirəm. Hakimlərin öz rəhbərliyi var. Lazımı qərarı onlar verəcəklər.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

16.02.2020

20:50  "Neftçi" və "Səbail"dən qələbə - YENİLƏNİB

18:27  “Neftçi” - “Keşlə” - HEYƏTLƏR

15:40  “Səbail” - "Qəbələ" - HEYƏTLƏR

15.02.2020

23:30  "Amyen" - PSJ - 4:4 VİDEO

15:54  "Sumqayıt" - "Sabah" - HEYƏTLƏR

14:12  "Qarabağ" - "Zirə" -HEYƏTLƏR

01:35  13-cü duel

13.02.2020

18:51  Hakim Ziyeş "Çelsi"də - Rəsmi

12.02.2020

11.02.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ