"Qarabağ"ın yeni transferi: "Təəssüf ki, mənə real şans vermədilər" - MÜSAHİBƏ

06.07.2018 | 1183 dəfə oxunub

“Qarabağ”ın yeni transferi Simeon Slavçev Bolqarıstan mətbuatına müsahibə verib: 

- Hər şeydən əvvəl sizi transferiniz münasibətilə təbrik edirəm. Özünüzü necə hiss edirsiniz?

- Təşəkkür edirəm. Bu keçidə görə razıyam və özümü çox yaxşı hiss edirəm. Çünki artıq “Sportinq” nağılı bitdi. Ambisiyalı komanda ilə müqavilə bağladım. Onlar məni çox istədiklərini göstərdilər. Bu klubla müqavilə bağladığım üçün şadam. Karyeramla bağlı düşünülmüş addım atdım.

- Komanda ilə bağlı ilkin təəssüratlarınız necədir? Yeni komanda yoldaşlarınız və məşqçiləriniz ilə görüşmüsünüz?

- Bəli, onlarla görüşmüşəm. “Qarabağ”da yaxşı kollektiv var. Hamı məni çox isti və yaxşı qarşıladı. Tez uyğunlaşmaq üçün rus və ya Azərbaycan dilini öyrənməliyəm. Yaxşı ki, komandada bolqar var. Bu, fiziki hazırlıq üzrə məşqçi Çudomir Çakarovdur.

- Bir az da “Sportinq”dən necə ayrılmağınızdan danışın...

- Klub ətrafındakı bütün qalmaqal və mənfi şeylərdən sonra 1 illik müqaviləmi pozub ayrılmaq qərarına gəldim. Klub rəhbərliyi ilə vəziyyəti müzakirə etdik və onlar yenidən mənə 2-ci komandada oynamağı təklif etdilər. Bu isə mənim xoşuma gəlmədi. Klubda prezident, məşqçilər və futbolçular dəyişirlər. Ümumiyyətlə, balıq başdan iylənir. Ona görə qarşılıqlı şəkildə yollarımızı ayırmaq qərarına gəldik. Məni hamıdan çox “Qarabağ istədi. Ona görə də bu addımı atdım.

- “Sportinq”dəki karyeranızı necə xatırlayırsınız?

- Təəssüf ki, çox mənfi emosiyalarla. Orada tez-tez zədələnirdim və pis insanlar var idi. Onlar mənə özümü göstərməyə imkan vermirdilər. Deyirdim ki, icazə verin, sizə Simeon Slavçevin kim olduğunu sübut edim. Təəssüf ki, mənə real şans vermədilər. Ona görə də karyeramı başqa istiqamətə yönəltdim. Bu təcrübənin mənə gələcəkdə çox köməyi olacaq.

- “Sportinq”dəki rəzaləti və Sinişa Mihayloviçin bir neçə gündən sonra qovulmasını necə şərh edərdiniz?

- Kifayət qədər qəliz vəziyyətdir. Baş məşqçidən məni əsas komandada oynadıb-oynatmayacağını soruşmaq üçün bazaya getdim. Amma onu bir dəfə də olsun görmədim. Bütün bunlar klubdakı biabırçılıqdan qaynaqlanırdı. Hətta komandanı bundan sonra kim, necə çalışdıracaq, bilinmir. Sevinirəm ki, artıq bu hadisələrin içində olmayacağam. “Sportinq” böyük klubdur, amma hazırda nələrsə yolunda getmir.

- Yeni mövsümdə hədəfləriniz nədən ibarət olacaq? Nəzərə alaq ki, “Qarabağ” öz ölkəsinin çempionu kimi Çempionlar Liqasında mübarizə aparacaq...

- Qrupa qədər hələlik keçməli olduğumuz təsnifat mərhələsi var. Hədəflərim çoxdur. İlk növbədə sağlam olmaq, əzmlə və inamlı oynayıb komandamın qarşıya qoyduğu məqsədə çatmağına kömək etmək istəyirəm. Şəxsi hədəfim isə milli komanda ilə bağlıdır.

- Rusiyada keçirilən dünya çempionatını izləyirsiniz? Mundialda azarkeşlik etdiyiniz komanda var?

- Əlbəttə, baxıram. Heç bir oyunu buraxmıram. Çempionat başlayandan favoritim Fransa millisidir. Onlara qarşı oynamışıq, kifayət qədər güclü rəqibdir. Onların finala çıxmaq üçün balanslı komandası və böyük potensialları var.  Bu baxımdan bizimlə seçmə mərhələdə oynayan 2 komandanın dünyanın ən yaxşı 8 yığma arasında olduğunu unutmayaq. Bu, seçmə mərhələni keçə bilməməyimizə haqq qazandırmır. Ancaq bu, göstərir ki, bizim qrup elədəasan deyildi.

- Sizcə, yeni dünya çempionu kim olacaq?

- Düşünürəm ki, çempion Fransa olacaq. Onlara azarkeşlik edirəm. Digər finalçı isə mənim üçün sürpriz olardı.

- Yəqin ki, hər bir futbolçu kimi belə bir turnirdə oynamağı arzu edirsiniz. Necə düşünürsünüz, Bolqarıstanın yaxın illərdə dünya və ya Avropa çempionatına iddia etməyə gücü var? Görürük ki, son vaxtlar güclü və zəif komanda anlayışı yoxdur...

- Bu, olduqca həssas mövzudur, çünki seçmə mərhələlərdə stabil oyun göstərə bilmirik. Amma inanıram ki, növbəti yarışlarda uğur qazana biləcəyik. Gücümüz var. Ötən seçmə mərhələdə Hollandiya və İsveç kimi favoritləri məğlub etdik. Fransaya isə minimal hesabla uduzduq. Bəli, bir çox insan deyir ki, biz heç nə itirməmişik, bu yalnız bir məqsəddir. Amma Argentina da bir top fərqilə Fransaya məğlub oldu  və mundialla vidalaşdı.

- Son sualdır. Yaxın gələcəkdə sizi yerli klublardan birində görə bilərimi?

- Belə bir niyyətim yoxdur. Bütün fikrimi karyeramı ölkə xaricində davam etdirməyə yönəltmişəm. Bu da karyeramda irəliyə doğru bir addımdır. Ölkə xaricində inkişaf etmək üçün yaxşı imkanlarım var.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

22.09.2018

21.09.2018

18:36  "Bir az vaxta ehtiyac var" - Karikari

18:34  4-cü tura yekun vuruldu - Birinci divizion

15:23  "Qarabağ"da xoşbəxtəm" - Slavçe

15:08  "Qarabağ" çox yaxşı oynadı - "Sportinq"in futbolçusu

09:56  "Qarabağ" Bakıda - Foto

09:52  "Əsas odur komandaya xeyir verəsən" - Rəşad Sadıqov

02:00  "Gerye yaxşı oyunçudu, amma Miçeli də unutmaq olmaz" - "Sportinq"in baş məşqçisi

00:53  "Qarabağ" uduzdu - Yenilənib

20.09.2018

10:37  "Real"ın rahat qələbəsi - VİDEO

19.09.2018

23:00  "Son ana qədər döyüşəcəyik" - Filip Ozobiç

19:47  "Qarabağ"la bağlı çox şey araşdırmalıyıq" "Sportinq"in baş məşqçisi

10:44  "İnter"in qələbəsi VİDEO

18.09.2018

18:16  "Qarabağ" yola düşür - Foto

13:59  4-cü turun oyun cədvəli - Birinci Divizion

13:48  5-ci turun oyun saatları açıqlandı - Premyer Liqamız

12:00  "Zirə" - "Neftçi" - başlanma saatı məlum oldu

17.09.2018

16.09.2018

00:52  "İnter" - "Parma" 0:1 VİDEO

00:51  "Bavariya" - "Bayer" 3:1 VİDEO

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə