“Dmitri Medvedev paltardəyişmə otağına gələndə mən müsahibədə idim"

“Milli komanda öz boyundan hündürə tullana bildimi? Bunu deyə bilmərəm. Turnirə detallı şəkildə hazırlaşmışdıq. Konfederasiya kuboku da bu işdə bizə kömək etdi”.

Stadium.Az xəbər verir ki, bu sözləri DÇ-2018-in 1/4 final mərhələsində Xorvatiyaya məğlubiyyətdən sonra Rusiya millisinin baş məşqçisi Stanislav Çerçesov deyib. Qarşılaşma ilə bağlı fikirlərini açıqlayan mütəxəssis komandasının mundialdakı çıxışını dəyərləndirib:

S. Çerçesov qarşıdakı planlarından da danışıb: “Bizi qarşıda Millətlər Liqası gözləyir. Belə şeyləri proqnozlaşdırmaq olmur. Bugünkü gündə maksimumu etdik. Uşaqlar layiqli mübarizə apardılar, ancaq bəxtimiz sonadək gətirmədi. İndi hər şeyi sakit tərzdə analiz etmək lazımdır. Komandada tez-tez dəyişikliklər olur. Ona görə də hər şeyi əvvəlcədən planlaşdırmaq olmaz”.

Baş məşqçi oyundan sonra Rusiya prezidenti Vladimir Putinin zəng vurub komandanı təbrik etdiyini bildirib: “Dmitri Medvedev paltardəyişmə otağına gələndə mən müsahibədə idim. Vladimir Vladimiroviçlə isə gün ərzində telefonla danışmışdıq. Matçdan sonra yenə zəng vurub gözəl oyuna görə bizi təbrik etdi və başımızı dik tutmağımızı bildirdi”.

Rusiya 2:2 hesabı ilə başa çatan matçın penaltilər seriyasında Xorvatiyaya uduzaraq ev sahibliyi etdiyi dünya çempionatında mübarizəni dayandırıb.