AFFA-ya deyin, bağlasın belini...

25.02.2016 | 16301 dəfə oxunub

Nə gizlədim, adam lap təzədən evlənmək istəyir. İdman saytlarında yeni şadlıq evi-təzə Olimpiya Stadionu barədə yazılanları oxuyandan sonra dost-tanışı başıma yığıb toy eləmək fikrim gündən-günə daha da güclənir.

Futbolumuza cavabdeh olanların Allah canlarını sağ eləsin, idmanın gül kimi növünə elə toy tutdular ki, axırda o cür möhtəşəm Olimpiya Stadionundan da şadlıq evi düzəltdilər. Düzdü, hələ ki, adı elə stadion kimi qalıb, yəni “Leyli və Məcnun" şadlıq sarayı demirlər. Amma nə bilmək olar...

Belə götürəndə “Nou Kamp"ı da şadlıq sarayı kimi yox, elə stadion kimi tanıyırlar. Lakin Messinin, Neymarın, Arda Turanın tər iyi meydançadan çəkilməmiş orada toy-nişan mərasimləri keçirir, deyəsən heç pis də qazanmırlar. Bu dəqiqə vəziyyət elədi ki, qəpik-quruş da dərdə dərmandı.

Ola bilsin gənclər və idman nazirinə inanmayasınız, mənim isə sözümün doğruluğuna tam inana bilərsiz. Dostum Bəxtiyar iki il öncə İspaniyaya gedib dincələndə “Nou Kamp"a da baş çəkmişdi. Həmin gün “Barselona"nın oyunu olmasa da, dostum üçün darıxdırıcı keçməmişdi. Bəxti gətirdiyindən stadionda keçirilən çal-çağır məclisində iştirak etmişdi. Meyvəli tortdan dadandan sonra bilmişdi ki, bu, elə-belə məclis deyil, Suaresin bacısı oğlu ilə Busketsin dayısı qızının göbək kəsdisidi.

Sözün açığı, “Nou Kamp" kimi bahalı yerdə toy eləməyə gücüm çatmaz. Dost-tanışa arxayın olub bizim Olimpiya Stadionunda yaxşı məclis qura bilərəm. Hər halda ora dəvət etdiyim insanlar toya əliboş gəlməyəcəklər ki... İndi hamı bilir ki, “Səringül" şadlıq evində bir adamın xərci 100 AZN-di, o yekəlikdə Olimpiya Stadionunda havayı olmaz.

Stadiondakı menyü elə nəyə desən dəyər. Toyun əvvəlində masaların üstünə “Aut", “Ofsayt" salatları düzülür. Sonra isti yeməklər gəlir, “Penalti" kababının dadı hamını valeh edir. Hələ kababın üstünə “Hakimlər Komitəsi" istiotu vuranda adam az qalır barmaqlarını yalasın.

İçkilər də göz qamaşdırır- “Çertaqanov" arağı, “Souza" viskisi, “Şükürov" çaxırı...

Toyun şirin yerində Səməd Səmədov guya oxuduğu mahnını yarımçıq kəsir, stadionda işıqlar sönür və məlum olur ki, meydana yeməklərin şahı - aş gəlir. Aşı da kim gətirsə yaxşıdı, rəqqasə Məryəm.

Səməd Səmədov fit çala-çala deyir ki:

Pəncərədən daş gəlir,

Xumar gözdən yaş gəlir.

Meydana aş gəlir.

Toyun sonuna yaxın “Qırmızı vərəqə" dondurması adamın ürəyinə yağ kimi yayılır. Tortu da künc nöqtəsinə yaxın yerdən gətirirlər. Nəsə fısqırıq bir şey.

Belə getsə, fikrim qətiləşəcək. Dost-tanışı Olimpiya Stadionuna yığacam. Dəvətnamənin üstündə yazılacaq şeiri də düşünmüşəm:

Yetişdi toy axşamı,

Durun, yandırın şamı.

Gəlinə bəzək vurun,

Gəlir FİFA adamı.

PFL tərifləsin bizim gəlini,

AFFA-ya deyin bağlasın belini...

Etibar CƏBRAYILOĞLU

“Het-trik news”qəzeti

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

AFFA-ya deyin, bağlasın belini...

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023