"Qarabağ" daha iki futbolçusu ilə yeni müqavilə imzalayıb. Stadium.az xəbər verir ki, Ağdam təmsilçisi Zaur Həşimov və İlqar Qurbanovun müqaviləsinin müddətini uzadıb.
Hər iki futbolçu ilə 1 illik anlaşma imzalanıb. Qeyd edək ki, əvvəllər "İnter" və "Xəzər Lənkəran"ın formasını geyinmiş Zaur 2008-ci ildən "Qarabağ"da çıxış edir və komanda ilə Azərbaycan Kubokunu qazanıb.
Türkiyənin "Fənərbaxça" klubunun yetirməsi olan İlqar Qurbanov isə karyerası ərzində Azərbaycanda "Xəzər Lənkəran" və AZAL, Türkiyədə isə "Sivasspor", "Boluspor" və "Mersin İdman Yurdu"nun formasını geyinib. O, "Qarabağ"a bu ilin yanvar ayında "Mersin İdman Yurdu"ndan gəlib.
"Qarabağ" bundan əvvəl Admir Teli, Georgi Adamiya, Vüqar Nadirov və Namiq Yusifovla yeni müqavilə imzalamışdı.