İyunun 3-də Azərbaycan yığması səfərdə Qazaxıstanın qonağı olacaq. Stadium.az xəbər verir ki, bu münasibətlə iyunun 2-də, saat 10:00-da, “Rixos President Astana” otelində Azərbaycan millisinin baş məşqçisi Berti Fotqsun mətbuat konfransı, saat 18:00-da isə millimizin “Astana Arena”da ilk 15 dəqiqəsi mətbuat nümayəndələri üçün açıq məşqi olacaq.
Həmin gün saat 15:30-da Qazaxıstan yığmasının baş məşqçisi Miroslav Baranek jurnalistlərlə görüşəcək. Saat 16:15-də isə qazaxıstanlı futbolçular ilk 15 dəqiqəsi mətbuat üçün açıq olan məşqə çıxacaqlar. Mətbuat konfransı və məşq “Astana Arena”da olacaq.
Sonda onu da qeyd edək ki, bütün tədbirlərin başlanma saatı yerli vaxtla göstərilib. Bu isə Bakı vaxtı ilə bir saat tez deməkdi.