"Araz Naxçıvan"ın futbolçusundan "Neftçi"yə ağır göndərmələr
11.08.2014 | 9744 dəfə oxunub
Ötən
gün Premyer Liqanın ilk turunda “Araz Naxçıvan” “Neftçi”ni 3:0 hesabıyla ağır məğlubiyyətə
uğratdı. Stadium.az xəbər verir ki, qarşılaşmayla bağlı Naxçıvan klubunun
yarımmüdafiəçisi Ramal Hüseynov saytımıza fikirlərini açıqladı: “Bizim üçün fərq
etmir bura kim əsas heyətlə gəlir, kim ikinci heyətlə. Gəlsinlər, 3 xalımızı verib,
getsinlər. Naxçıvandan xal aparmaq hər komandaya nəsib olmayacaq. Biz gücümüzü
elə bu oyunda ortaya qoyduq. Əgər “Neftçi” burada ikinci heyətlə uduzduğunu
özünə təsəlli edirsə, onlar bununla elə bütün komandaya hörmətsizlik edirlər.
Bir baxın da, Denis Silvanın illik qazancı bizim bütün komandadan üstündür. Bəyəm
onlar Samir Məsimovu, Cavid İmamverdiyevi, Emil Blayevi, Mirhüseyn Seyidovu,
Denis Silvanı, Məqsəd İsayevi futbolçu saymırlar? Baş məşqçiləri Böyükağa
Hacıyev demir ki, “mən Samir, Məqsəd kimi gənc futbolçuları oynadıram”. Elə həmin
oyunçular idi də dünən də bizə qarşı oynayan. Qələbəmizə hüç kim kölgə sala
bilməz”.