Elxan Məmmədov: "Səmədovla bağlı qərarı Dik Advokat verməlidir"

26.08.2011 | 5515 dəfə oxunub

Rusiya Premyer-liqasında çıxış edən həmyerlilərimizin Azərbaycan millisində çıxışı son günlərin ən aktual mövzusudur. Stadium.az xəbər verir ki, AFFA-nın baş katibi Elxan Məmmədov bu gün verdiyi müsahibədə bu mövzuya toxunub. “Dinamo” (Moskva) klubunda çıxış edən Aleksandr Səmədovun Azərbaycan yığmasında çıxış edəcəyi də yenidən gündəmə gəlib. Belə məqamda Rusiya Futbol İttifaqının erməni əsilli birinci vitse-prezidenti Nikita Simonyan yerli mətbuata açıqlaması diqqət çəkib. Simonyan məhz onun tövsiyyəsi ilə Səmədovun Azərbaycan yığmasının dəvətini qəbul etmədiyini deyib. “Bütün hallarda mən ona məsləhət görərdim ki, Azərbaycan millisində oynamaq təklifini qəbul etməsin”- bu sözləri Simonyan Emin Mahmudov haqqında deyib. Elxan Məmmədov bu məsələylə bağlı da fikirlərini bölüşüb.

Yəqin ki, Nikita Simonyanın Rusiya mətbuatında dedikləri haqqında məlumatlısınız...
- Əlbəttə məlumatlıyam. Nikita Simonyanın mövqeyi aydındır. Onlar istəyirdilər ki, Aleksandr Səmədov Rusiya yığmasında çıxış etsin. Ancaq 7 il arxada qalsa da, Səmədov gözlənilən dəvəti almadı. Simonyanın müsahibəsini oxumuşam və Emin Mahmudovla bağlı təzadlı fikirlərə rast gəlmişəm.

Axı Simonyanın belə açıqlamaları bir növ təzyiq kimi qəbul oluna bilər. Səmədov və Mahmudov Azərbaycan millisində çıxış etsələr Rusiyada legioner sayılacaqlar...
- Hə, elədir. Mənə elə gəlir ki, onları narahat edən əsas məsələlərdən biri də məhz legioner limiti ilə bağlıdır. Emin Mahmudov yerli futbolçu statusu ilə heyətə düşməkdə çətinlik çəkirsə, legioner kimi ona daha çətin olacaq. Səmədov isə hələ də Rusiya yığmasından dəvət alacağına ümid edir.

Sizin Rusiyaya səfəriniz qonşu ölkənin futbol adamlarını hərəkətə gətirib. Bizim futbolçuları əldən vermək istəmirlər?
- Mənim Rusiya səfərimə qonşu ölkə mətbuatında düzgün qiymət verilməyib. Mən yenə deyirəm, biz heç kimə yalvarmırıq ki, milliyə gəlsin. Biz deyirik ki, millimizin qapıları hər bir azərbaycanlı futbolçunun üzünə açıqdır. Onsuzda bir futbolçu ilə millinin çıxışında köklü heç nə dəyişə bilməz.

Aleksandr Səmədov əvvəllər Azərbaycanda olub. Onun yenidən təklifi qəbul etməməsi nə ilə bağlıdır. Bəlkə hər hansı xoşagəlməz olay baş verib?
- Aleksandr Səmədov 2004-cü ildə Gürcüstanla baş tutmayan yoldaşlıq oyununa gəlmişdi. Ona da bu sualı vermişik, o zaman AFFA-da işləyənlərlə də maraqlanmışıq. Ancaq bunun səbəbini açıqlayan olmadı. Emin Mahmudov 2004-cü ildə Bakıda keçirilən U-15 milli komandamızın 10 günlük təlim-məşq toplanışında iştirak edib. O vaxt “Saturn”da çıxış edən 13 yaşlı Emini milliyə Nazim Süleymanov gətirmişdi. Onda U-15-ə Mirbağır İsayev başçılıq edirdi. Bu günə qədər Səmədovla Mahmudovun Azərbaycana gəldikləri zaman nə yaşadıqları sirr kimi qalır.

- Bu futbolçularla bağlı vəziyyətə nə vaxt aydınlıq gələcək?
- Səmədovla bağlı qərarı Dik Advokat verməlidir. Artıq 7 il keçib, dəvət yoxdur. Səmədovun artıq 28 yaşı var. Məncə, qərar vermək zamanıdır. Bir azərbaycanlı kimi Emin Mahmudovu da millimizdə görmək istəyirik. 

premyerliqa.az


Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail