Arif Əsədov: "Robert Prosineçki dedi ki..." - MÜSAHİBƏ
"Neftçi"nin baş məşqçisi Arif Əsədov klubun rəsmi saytına müsahibə verib. Stadium.Az həmin müsahibəni təqdim edir.
- İlk olaraq komandanın növbəti oyuna hazırlığı ilə bağlı danışardınız.
- Son oyunlarımızı sıx qrafiklə keçirdik. Bu baxımdan mövsümün sonuna yaxın müəyyən yorğunluq ola bilər. Bundan sonra həftədə bir oyun keçirəcəyik və bərpa üçün yetərincə vaxtımız olacaq. Komanda gündə bir dəfə məşq edir. Flavinyo, Məqsəd İsayev və Denis Silva zədə səbəbindən fərdi şəkildə hazırlaşırlar. “Sumqayıt”la oyunda cəzalı Karlos Kardosonun da xidmətindən yararlana bilməyəcəyik.
- Yeri gəlmişkən, “Qarabağ”la oyun və Kardosonun cəzalandırılması ilə bağlı fikirlərinizi bilmək istərdik.
- “Qarabağ”la oyun doğrudan da maraqlı alındı. Azarkeşlər gözəl matça şahidlik etdilər. Hər iki komanda baxımlı futbol sərgilədi. Taktiki cəhətdən isə tam bərabər oyun gedirdi. Ancaq bu, futboldur və rəqib bizim səhvlərimizdən məharətlə istifadə etdi. “Qarabağ”la həlledici oyun isə təbii ki, finalda olacaq. Kardosonun cəzasına gəldikdə, “Simurq” klubu ilə oyunda aldığı qırmızı vərəqə səbəbindən ona 2-si şərti olmaqla 3 oyunluq cəza verilmişdi. Son matçda meydandan kənarlaşdırılması onun şərti cəzalarını bir növ qüvvəyə mindirdi. Düşünürəm ki, bu, sırf oyun epizodu idi. Kardosonun yoxluğu bizim üçün ciddi itkidir. Digər tərəfdən isə, bu, gənc futbolçuların oynaması üçün şansın yaranması deməkdir. Son qarşılaşmalarda Rahil Məmmədov və Elşən Abdullayevə daha çox şans verməyə çalışırıq. Bu onların oyun təcrübəsi qazanması baxımından əhəmiyyətlidir.
- Klubun təşəbbüsü ilə milli komandanın baş məşqçisi Robert Prosineçki ilə görüş baş tutdu. Görüşdə nələr müzakirə olundu?
- Son zamanlar “Neftçi”dən milli komandaya futbolçuların çağırılmaması mətbuatda və ictimaiyyətdə geniş müzakirə mövzusuna çevrilib. Robert Prosineçki böyük təcrübəyə malik futbol mütəxəssisidir. Onun “Neftçi”nin futbolçuları ilə bağlı fikirləri baş məşqçi olaraq mənim üçün çox önəmlidir. Görüşdə qarşılıqlı fikir mübadiləsi apardıq. Söhbət əsnasında Robert Prosineçki “Neftçi”ni hər zaman yaxından izlədiyini və burada milli komandaya namizəd futbolçuların olduğunu dedi. Yəni burada heç bir qərəzdən söhbət gedə bilməz. Biz də öz növbəmizdə əlimizdən gələni edəcəyik ki, futbolçularımız öz üzərində daha çox çalışaraq ən yaxşı formalarını bərpa etsinlər. Milli komandanın qapısı bütün futbolçulara açıqdır və bu şərəfli formanı geyinmək hər kəsin özündən asılıdır. Əgər futbolçu öz klubunun əsas heyətində stabil oyun göstərirsə, o zaman milli komandaya çağırılmaq şansı da artır. Hətta xorvatiyalı məşqçi futbolçularımızdan bir neçəsinin adını da çəkdi. Dediyim kimi, burada əsas məsuliyyət və yük futbolçuların öz üzərinə düşür, amma biz də məşqçilər korpusu olaraq onlardan öz köməyimizi əsirgəməyəcəyik.
- “Qarabağ”la final oyununun Qəbələdə keçirilməsinə münasibətiniz necədir?
- Bizim üçün hansı meydanda oynayacağımızın fərqi yoxdur. Təkcə stadionun tutumunun az olmasında və azarkeşlərimizin Qəbələyə yollanmasında müəyyən çətinliklər ola bilər. “Neftçi” və “Qarabağ” komandaları arasında keçirilmiş son oyuna azarkeş marağını hər kəs gördü. Finalda isə azarkeş bundan da çox olacaq. Final matçının Qəbələdə keçirilməsi qərarına hörmətlə yanaşırıq. Təki “Neftçi” hər zaman finala çıxsın, biz “Qarabağ”la Ağdamda da oynamağa hazırıq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |