Premyer Liqanın VII turunun “Qəbələ” ilə oyunu daha 1 futbolçunun ilk dəfə “Xəzər Lənkəran”da qol vurması ilə əlamətdar oldu. Stadium.az xəbər verir ki, oyunda ilk qolunu vuran Antonio Semedo yeni klubundakı qol hesabını açdı. Bununla da portuqaliyalı futbolçu “Xəzər Lənkəran”da qol sevinci yaşayan 69-cu oyunçu oldu. Bu matçadək 68 futbolçu komandamızın formasında fərqlənmişdi.
Semedo buna nail olan 43-cü legioner və 2-ci portuqaliyalı oldu. “Xəzər Lənkərn”da qol vuran ilk portuqaliyalı isə Renato Moreiro Queiros olub. O, 2008/09 mövsümünün Azərbaycan kubokunda fərqlənmişdi. O, 1/8 final mərhələsinin NBC ilə Lənkəranda baş tutan ilk oyununda qol vurmuşdu. Bu matç 1058 gün əvvəl 2008-ci il oktyabrın 30-da baş tutub.