"Qəbələ"nin qapıçısının quru seriyası qırıldı

02.11.2015 | 3071 dəfə oxunub

Azərbaycan Premyer Liqasının XI turunda “Qəbələ”nin qapıçısı Dmitri Bezotosnının quru seriyası qırılıb.  

Stadium.az xəbər verir ki, ardıcıl 8 matçda qol buraxmayan ukraynalı legioner “Kəpəz”lə ev oyununun 2-ci dəqiqəsində topu qapısından çıxarıb. 

Aleksandr Sitnikin qolu ilə Bezotosnının seriyası 729-cu dəqiqədə qırılıb. I turun avqustun 8-də “Qarabağ”la Qəbələdə keçirilən oyununda (2:2) qol buraxan qapıçı sonuncu dəfə həmin matçın 83-cü dəqiqəsində rəqiblərinin sevinməsinə şahid olub. Riçard Almeydanın qolundan sonra AZAL (2:0) və “Kəpəz”lə (1:0) matçlarda qol buraxmayan qolkiper “İnter”lə görüşdə (1:2) iştirak etməyib. Ardınca “Sumqayıt” (1:0), “Rəvan” (3:0), “Xəzər Lənkəran” (6:0), “Neftçi” (1:0), “Zirə” (0:0) və AZAL (0:0) da onun qapısına yol tapa bilməyib.

“Kəpəz”lə görüşdə seriyası qırılan Bezotosnı Azərbaycan çempionatlarının 23 illik tarixində 14-cü nəticəyə imza atıb. Ümumiyyətlə isə 1992-ci ildə start götürən yarışda qeydə alınan 17 göstərici Beynəlxalq Futbol Tarixi və Statistikaları Federasiyası (İFFHS) tərəfindən tərtib olunan siyahıya düşmək üçün zəruri olan 660 dəqiqəlik səddi adlayıb.

Bezotosnı son 4 mövsümdə bunu bacaran yeganə qapıçıdır. Ölkə çempionatında sonuncu belə seriya 2012/2013 mövsümündə qeydə alınıb. Həmin vaxt “Qarabağ”ın qapıçısı Boyan Pavloviç fərqlənib.

 

Azərbaycan çempionatlarının ən uzun quru seriyaları:

1. Nizami Sadıqov (“Turan”) – 1106 dəqiqə

2. Xalidu Sissoko (Seneqal, “Bakı”) – 985

3. Xalidu Sissoko (Seneqal, “Bakı”) – 971

4. Camaləddin Əliyev (“Qarabağ”) – 958

5. Pavel Doroşev (Latviya, “Qəbələ”) – 952

6. Elxan Həsənov (“Neftçi”) – 943

7. Boyan Pavloviç (“Qarabağ”) – 828

8. Dmitri Kramarenko (“Karvan”) – 798

9. Dmitri Kramarenko (“Neftçi”) – 772

10. Rauf Mehdiyev (“Olimpik”) – 746

11. Elşən Poladov (“Bakı”) – 744

12. Nadir Şükürov (“Dinamo”) – 741

13. Aleksandr Martyoşkin (Belarus, “Xəzər Lənkəran”) – 735

14. Dmitri Bezotosnı (Ukrayna, “Qəbələ”) - 729

15. Kamran Ağayev (“Xəzər Lənkəran”) – 720

16. Camaləddin Əliyev (“Qarabağ”) – 700

17. Rauf Mehdiyev (“Olimpik”) – 676

Qeyd edək ki, mötərizədə futbolçunun klubu, legionerlərdə isə əvvəl ölkəsi, sonra klubu əks olunub.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail