"Neftçi"nin maliyyə problemlərini mən həll etmirəm"

25.12.2015 | 3774 dəfə oxunub

"Neftçi"nin baş məşqçisi Əsgər Abdullayevin müsahibəsi

- Müşahidə Şurasının sizi postunuzda saxlayacağını gözləyirdiniz?
- Müşahidə Şurasına başda Çingiz Abdullayev başqa olmaqla təşəkkürümü bildirirəm ki, mənə belə etimad göstərdilər. Onların bu etimadını öz işimlə doğrultmağa çalışacağam. Bunu gözləyib-gözləməməyim isə artıq vacib deyil.

- Manatın devalvasiyası sizin xeyrinizə işlədi. Çünki klub əcnəbi mütəxəssis dəvət etməyə hazırlaşsa da, xərclərin çox olacağından ehtiyatlanıb, yerli məşqçiylə çalışmağa davam qərarı verdi...
- Bu barədə danışmaq istəmirəm. Bu sualın mənə aidiyyatı yoxdur. Bundan sonra mən ancaq necə nəticə qazanmaq barədə düşünməliyəm.

- Bunun üçün heyəti gücləndirmək lazımdır. İndiki vəziyyəti nəzərə alsaq, bu, sizdə nə dərəcədə alınacaq?
- Mən "Neftçi"nin maliyyə problemlərini həll etmirəm. Şübhəsiz ki, komandaya həm yeni legionerlər, həm də yerli futbolçular cəlb olunacaq. Amma onlar oyun və xarakter baxımından bizə uyğun olmalıdırlar.

- Mixal Peskoviçlə Məhəmməd Qurbanovun komandanı tərk etməsi dəqiqləşib?
- Yaxın günlərdə komandadan kimlərin gedəcəyini rəsmi olaraq açıqlayacağıq.

- Sizin qısa vaxt ərzində sabit çıxış edən komanda formalaşdıra bilməyiniz bu postda qalmağınızda az rol oynamadı. Bu sabitliyi saxlaya biləcəksiniz?
- Mən komandaya rəhbərlik etməyə başlayanda əhval-ruhiyyə yaxşı deyildi. İnamsızlıq var idi. Mən qısa vaxt ərzində vəziyyəti düzəltməyə, oyun sistemində dəyişiklik etməyə çalışdım. Şadam ki, inkişafa nail oldum.

- Amma komandanız fasiləyə 6-cı pillədə yollandı...
- Əsas odur ki, komanda düzgün yoldadır. Biz turnir cədvəlində irəliləmək istəyirik. İnanıram ki, və çox istəyirəm ki, avrokuboklara vəsiqə qazanaq. Bunun üçün iki yolumuz var - biri Premyer Liqadan, digəri kubokdan. Futbolda isə hər bir oyunun üç cür nəticəsi olur. Mənim istəyim isə ondan ibarətdir ki, hətta uduzanda da komandam yaxşı futbol sərgiləsin.

- "Neftçi" avrokuboklara vəsiqə qazansa, PRO kateqoriyanızın yoxluğu sizə problem yaradacaq...
- Öncə komandanı oraya aparıb çıxarmaq lazımdır. Mənim o vaxt komandada olub-olmayacağım isə ikinci dərəcəli məsələdir. Belə bir klub avrokuboklardan kənarda qalmamalıdır. Amma təbii ki, gələcəkdə çalışıb PRO lisenziyasını da almalıyam. azerisport



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail