Kamran Ağayev: "Artıq Xəzər Lənkəranda qalmaq istəmirəm"

26.10.2011 | 8414 dəfə oxunub

"Xəzər Lənkəran"ın qapıçısı Kamran Ağayev müsahibəsində Premyer Liqanın 10-cu turunun “Bakı” ilə səfər oyununda (2:2) buraxdığı səhvə görə cəzalanmasından danışıb.

- Düzdü ki, sizi komandanın kapitan sarğısından məhrum ediblər?

- Bəli. Amma təkcə kapitan sarğısından məhrum etməyiblər, həm də qeyri-müəyyən müddətə əvəzedici heyətə göndəriblər. Heç bir problem yoxdu. Məşq edəcəm, əvəzedici heyətdə oynayacağam.

- Yəni, bu, “Bakı” ilə oyundakı yeganə səhvə görədi?

- Mən belə hesab etmirəm. Bu mövsüm komanda mənimlə heç bir oyunda uduzmayıb. Sadəcə, iki oyunda heç-heçə olub. Mən heç vaxt komandanı pis vəziyyətdə qoymamışam. Səhvlərdən isə heç kim sığortalanmayıb.

- Bəs onda belə cəzalanmağınıza səbəb nədi?

- Bu, artıq mənim baş məşqçi Mirça Redniklə aramdakı şəxsi münasibətlərdən irəli gəlir. O, hələ “Maccabi” ilə oyundan sonra məni komandadan kənarlaşdırmaq istəyirdi. Amma buna gücü çatmadı. Komanda ardıcıl qələbələr qazanmağa başlayandan sonra isə artıq öz bildiyini etmək ona asan oldu.

- Klubunuzu dəyişməyi istisna etmirsiz?
- Mənim müqaviləmin müddəti 2012-ci ilin yayında başa çatacaq. Böyük ehtimalla qışda məni transferə çıxaracaqlar. Mən buna qarşı çıxmayacağam. Artıq “Xəzər Lənkəran”da qalmaq istəmirəm. Digər tərəfdən yaxşı ki, elə məni transferə çıxarırlar. Daha özüm getmirəm. Altı il çıxış etdiyim komandadan belə getmək istəməzdim. Mən bu klub üçün çox əmək sərf etmişdim.

- Hara keçməyi düşünürsüz?
- Mənim təklif baxımından heç vaxt problemim olmayıb. Bu, həm yerli, həm də əcnəbi klublara aiddi. Heç hara getməyin fərqi də yoxdu. Hər şeyə qışda aydınlıq gələcək.

- Bilirsiz ki, bundan sonra kapitan sarğısını Rahid Əmirquliyev daşıyacaq?

- Bəli, o, əla futbolçudu. Milli komandanın üzvüdü. Sarğını daşımağa layiqdi.

- Klub rəhbərliyi ilə görüşmək istəmirsiz?
- Mənim klub rəhbərliyi ilə problemim yoxdu. Bu, məşqçinin qərarıdı, məndən narazı qalan odu.

Azerisport.az

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Kamran Ağayev: "Artıq Xəzər Lənkəranda qalmaq istəmirəm"

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023