"Pillə-pillə irəliləməliyik" - Qurban Qurbanov

03.11.2017 | 3865 dəfə oxunub

"Hamıya təşəkkür edirəm. Futbolçu olanda millidə oynamaq istəyirsən, məşqçi kimi millidə işləmək isə hər kəsin arzusudur. Mənə inandığınız üçün təşəkkür edirəm. Məsuliyyətli işdir. Hamının gözü millidədir".

Stadium.az xəbər verir ki, bu sözləri millimizin yeni baş məşqçisi Qurban Qurbanov deyib.

AFFA İcraiyyə Komitəsinin bugünkü iclasından sonra baş məşqçi təyinatına münasibət bildirən Qurbanov indi daha məsuliyyətli işə başladığını qeyd edib: "Azarkeşlərin fikirlərini, düşüncələrini yaxından eşitmişəm. Çox istəyirlər ki, milli daha uğurlu nəticələr əldə etsin. Mənim üçün böyük məsuliyyətdi. Çalışacağıq ki, AFFA ilə birgə daha yaxşı nəticə əldə edək. Bu, bir ayın işi deyil. Planlarımız uzun olacaq. Yavaş-yavaş irəli getməliyik ki, milli daha peşəkar olsun. Bu işin öhdəsindən gəlmək üçün əlimdən gələnin artığını etməyə çalışacam. Bir azərbaycanlı kimi çalışacam ki, daha yaxşı nəticələrə imza ataq”.

Q.Qurbanov "əsas köməkçilərinizdən biri Rəşad Sadıqov olacaqmı" sualını belə cavablandırıb: "Bu barədə danışmaq hələ tezdir. Çünki təkcə köməkçilər yox, çox detal var. İndi bu suala cavab verə bilməyəcəm. Çünki hələ düşünməmişik. Ola bilsin, bir araya gələk". 

Millimizin əsas məqsədinin 2020-ci ildə keçiriləcək Avropa çempionatında iştirak etmək olduğuna toxunan Qurbanov birdən-birə uğur qazanmağın mümkün olmadığını vurğulayıb: "Pillə-pillə irəliləməliyik. Əlimizə düşən şansdan maksimum yraralanacağıq. Futbolda hər şey olur. "Atletiko" "Qarabağ"dan qat-qat üstündür. Amma gedib onlardan xal aldıq. Çempionatda zəif rəqib bizdən xal alır. Qəti qərar vermək çətindir. Kiçik şansımız olsa, ondan istifadə edəcəyik".

Q.Qurbanov AFFA ilə aralarında hansısa şərtlərin qoyulmadığını da əlavə edib: “Mənim belə bir xarakterim yoxdur. Sadəcə, doğru yol axtarırıq. Tapdığımız, düşündüyümüz yolu müzakirə edirik və bunu ən yaxşı şəkildə həyata keçirməyə çalışırıq. Bir-birimizi tanıyırıq. Hansısa şərtə ehtiyac yoxdur".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail