"Əvəzedicilərin çempionatı ayrı olsaydı daha yaxşı olardı"

"Əvəzedicilərin çempionatı ayrı olsaydı daha yaxşı olardı" - Mahmud Qurbanov

28.07.2018 | 4373 dəfə oxunub

“Neftçi”nin əvəzedici komandasının baş məşqçisi Mahmud Qurbanov klubun rəsmi saytına müsahibə verib.

Stadium.az xəbər verir ki, yeni mövsümə hazırlığı dəyərləndirən Qurbanov əvəzedicilərin hədəflərindən də danışıb:

- Yeni mövsümə hazırlıq necə keçir?

- Artıq bir aydır başlamışıq. Əvvəlcə seleksiya məşqləri oldu, sonra isə yeni mövsümə hazırlığa başladıq. Gündə iki dəfə məşq edirik. Təlim-məşq toplanışı istədiyimiz kimi davam edir.

- Artıq dörd yoxlama oyunu keçirmisiz...

- Sınaq matçlarında həm qalib gəlmişik, həm uduzmuşuq. Heç-heçə də oynamışıq. Nəticədən asılı olmayaraq, yoxlama oyunları faydalıdır. Təlim-məşq toplanışı ərzində nə qədər çox belə görüşlər keçirsək, bir o qədər yaxşıdır. Avqustun 1-də daha bir yoxlama oyununa çıxacağıq. Bu mənada da toplanışın gedişindən razıyam.

- Toplanışın gedişindən razı olduğunuzu dediz. Bəs futbolçulardan razısızmı?

- Futbolçuların məşqə yanaşmasından razıyam. Həvəslidirlər. Bacardıqları qədər çalışırlar. Komandaya gənc və perspektiv vəd edən bir neçə futbolçu cəlb etmişik. Bununla belə, yenə axtarışdayıq. Yeni mövsümdə bizə kömək edə biləcək daha bir neçə futbolçu tapmaq istəyirik.

- Yeni mövsümdən əvəzedici komandalar 1-ci divizionda mübarizə aparacaq...

- Açığı, əvəzedicilərin öz çempionatı olsaydı, daha yaxşı olardı. Amma qərar belədir və biz bununla razılaşıb, çempionata hazırlaşırıq.

- Ümumiyyətlə, əvəzedici komandanın hədəfləri nə olacaq?

- Təbii ki, ən böyük hədəf əsas komandaya futbolçu, şəxsiyyət yetişdirməkdir. Bununla belə, həm də "Neftçi”nin adına layiq çıxış etməliyik. Çünki "Neftçi” Azərbaycan futbolunun adət-ənənələrinə malik olan köklü komandamızdır. Çalışacağıq ki, bu komandanın əvəzedicilərinin futbolçuları da, nəticələri də yaxşı olsun.

- Ən böyük hədəf əsas komandaya futbolçu yetişdirmək olsa da, azarkeşlər əvəzedicilərdən həm də uğurlu nəticələr gözləyəcək...

- Təbii ki, belə də olmalıdır. Ümumiyyətlə, azarkeşsiz futbol olmur. Azarkeşlər əvəzedicilərin oyunlarına gəlsələr, çox şad olardıq. Futbolçular da azarkeşləri tribunalarda görsələr, bu onlar üçün stimul olar, daha çox məsuliyyət hiss edərlər.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

"Əvəzedicilərin çempionatı ayrı olsaydı daha yaxşı olardı" - Mahmud Qurbanov

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023