"Qarabağ" modern komandadır" - "Sportinq"in baş məşqçisi

28.11.2018 | 3185 dəfə oxunub

İlk növbədə hədəfimiz qələbə qazanmaqdır. Bunu da baxımlı oyunla əldə etmək istəyirik. Təbii ki, hər şeydən əvvəl bizim üçün qalibiyyət önəmlidir”. 

Stadium.az xəbər verir ki, bunu “Sportinq”in baş məşqçisi Marsel Keyzer Avropa Liqasının qrup mərhələsinin 5-ci turunda “Qarabağ”la oyun öncəsi keçirilən mətbuat konfransında deyib. Daha sonra o, jurnalistlərin suallarını cavablandırıb. - Sabahkı oyunda qələbə qazanmasanız belə, növbəti mərhələyə adlaya bilərsiniz. Matça yanaşmanız necə olacaq? - Biz öz oyunumuza köklənməliyik. “Arsenal”ın oyunundan nə dərəcədə kömək gələcək, bu, ikinci dərəcədir. Şad xəbər gələr, lap yaxşı. Ancaq biz ilk növbədə özümüz qələbə qazanmağa çalışmalıyıq. - Artıq 3 həftədir komandada işləyirsiniz. Bu müddətdə futbolçularla bağlı kifayət qədər məlumat əldə etmisinizmi və heyətdə hansı dəyişikliklər gözlənilir? - Baş məşqçi çox çalışdıqda komandasını daha yaxşı tanıyır. Hər həftə nəsə öyrənirəm. Dəyişiklik təkcə oyunçularla deyil, oyun komponentləri ilə də etmək olar. Məsələn, pressinq və digər məqamlar. Müəyyən vaxt lazımdır ki, hər şey qaydasına düşsün. - Futbolçulardan sizi ən çox təəccübləndirən kim oldu? - Oyunçular haqda fərdi danışmaq istəmirəm. Ölkə kubokundakı oyunu yaxşı keçirdik və 4 qol vurduq. Daha sonra hər şeyi öz aramızda müzakirə etdik. - “Sportinq”in Avroliqa oyunlarını izlədikdə nələri gördünüz? - Əlbəttə ki, komandada ruh yüksəkliyi görmüşəm. Sabah da bunu gözləyirəm. Belə olan halda qələbə gələ bilər. - Qələbəyə kökləndiyinizi dediniz. Məğlubiyyətə necə, hazırsınızmı? - Hər iki komanda sabah qələbə üçün oynayacaq. Bu da oyunu maraqlı edir. - Adətən rəqib öncədən araşdırılır. Qarabağ adının nə məna kəsb etməsi barədə məlumatınız varmı? - Əvvəla deyim ki, “Qarabağ” çox gözəl, modern futbol oynayır. Rəqibin 3 oyununu izləmişəm. Əks-hücum komponentlərində yaxşı komandadır, topla yaxşı rəftar edir. “Qarabağ” haqda eşitmişəm. Ölkənizə ilk dəfədir gəlirəm. Bura xoşuma gəlir. - Heyətinizdə kifayət qədər itkilər var. Çıxış yolunu nədə görürsünüz? - Yaxşı komanda təkcə 11 oyunçudan ibarət deyil. Bizim 25 futbolçumuz var. Düzdür, heyətdə problemlər var və bura 18 oyunçu ilə gəlmişik. İstənilən halda sabahkı matçda futbolçularımızın yaxşı çıxış edəcəklərinə inanıram.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail