Bakı yollarını xatırladan “Bakı”

Bakı yollarını xatırladan “Bakı” YAZI

29.04.2013 | 7395 dəfə oxunub

“Bakı, sabahın xeyir”! Gözəl mahnıdı, deyilmi? Təqribən 1 il əvvəl “Bakı” Avropa Liqasının 1-ci təsnifat mərhələsində Sloveniyanın adını eşitmədiyimiz “Mura” kollektivi ilə üz-üzə gəlmişdi. “Xəzər Lənkəran”la birgə, məhz paytaxtın eyniadlı komandasının ən münasib rəqiblə üzləşəciyi hamıya məlum idi. Lakin ilk oyunda qolsuz bərabərə qalan təmsilçimiz, təkrar görüş öncəsi vəziyyətini çətinə saldı. Ancaq bu, faciə deyildi. “Mura”nı səfərdə də məğlub etmək olardı. Ancaq olmadı. İlk qol qeydə alınarkən, “Bakı” Azərbaycan futbolunun əsl simasını ortaya qoydu. “Müra”nın bir futbolçusu cinahla irəliləyir və cərimə meydançasına ötürmə edir. Dəfələrlə həmin epizodun təkrarına baxdım. Ötürmə zamanı komandamızın 5 oyunçusu cərimə meydançasında olduğu halda, sloveniyalıların yeganə futbolçusu Yeteroviçin baş zərbəsi endirməsinə mane olan tapılmadı. Matçın sonlarına yaxın daha bir qol vuran “Mura”nın futbolçusu Leon Horvatın verdiyi açıqlama da xəcalət təri tökməyə rəvac verdi: “Büdcəsi “Mura”nınkından 30 dəfə artıq olan “Bakı”nı məğlub etməyin təəssüratlarını sözlə ifadə edə bilmirəm...”

Açığı mən də həmin məğlubiyyəti həzm edə bilməmişdim. Ancaq “zaman bütün yaraları sağaldır”. Yara sağalsa da, ibrət götürülmədi. Bojidar Bandoviçin həmin məğlubiyyətdən sonra komandanı qəbul edərək, gələcək barədə standart açıqlamaları “Xəzər Lənkəran”la Azərbaycan Kubokunun təkrar yarımfinal qarşılaşmasında əsl yerini tutdu. Əlbəttə, “Bakı”nın uşaq futboluna ayırdığı vəsait, “Atletiko” və “Lans”la əməkdaşlıq təqdirəlayiqdir. Ancaq bu uğurların Bandoviçlə heç bir əlaqəsi yoxdu. Çempionatın ilk yarısını boşa verən paytaxt təmsilçisi qış fasiləsindən sonra xal ehtiyatını kifayət qədər yaxşılaşdırsa da, oyun baxımında ciddi nailiyyətlər əldə olunmayıb.

Məşqçi dəyişikliyi üzrə öncüllər sırasında dayanan “zolaqlılar” böyük ehtimalla çempionat başa çatdıqdan sonra Bandoviçə də sələflərinin aqibətini yaşadacaqlar. Doğrudu, şəxsən mən “sehrli çubuq” variantının mümkünlüyünə inanıram. Söhbət “Qarabağ”ın çempion olması, “Neftçi”nin kuboku başı üzərinə qaldırması, “Bakı”nın isə “Simurq”u da qabaqlayaraq, çempionatı 4-cü pillədə tamamlaması variantından gedir. Göründüyü kimi, 3 hadisə baş verməlidir ki, “Bakı” Avropa Liqasında iştirak etsin. Lakin “iri addımlarla inkişaf edən” Azərbaycan futbolunda 3 yox, lazım gəlsə 13 hadisəni də muncuq kimi düzmək mümkündü.

..Bakı yollarının gündə asfaltlanıb, çökməsi artıq ölkəmizdən kənarda da lətifələrə səbəb olması hər bir kəsə məlumdur. “Bakı”nın da son 4-5 ildə neçə dəfə “sökülüb-yığılması” eynilə adını daşıdığı paytaxt yollarımızı xatırladır. Ancaq hər dəfə “söküntü” gedəndə ürəyimizdə bir qığılcım işıldayır: “bəlkə bu dəfə keyfiyyətli asfalt salacaqlar”? Ümid edək ki, yaxın gələcəkdə “Bakı” xeyirli sabahları Azərbaycan futboluna bəxş edəcək.

Nemət AĞAYEV, “Het-trik news”

FİFA 2019: İlin ən yaxşı futbolçusu Lionel Messi oldu	"Анжи" предлагает Бекхэму должность тренера	Из-за погодного условия "Карабах" сменил свой план
"Реал" приобрел двух игроков	"Милан" отвергнул предложение "Галатасарая"	Нури Шахин снова в "Борусии"
Легендарный вратарь снова в "Спартаке"	"8 лет назад мы бы могли взять в аренду Месси"	Тайсон в "Металлисте"
Муслера:"Играть в Премьер Лиги -это моя мечта детства"	"ПСЖ" потерял очки на своем поле	Стартовал 19 тур Испанской Ла Лиги

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

Bakı yollarını xatırladan “Bakı” YAZI

24.09.2019

05.08.2019

24.12.2014

12.01.2013

11.01.2013

10.01.2013

09.01.2013