Qurban Qurbanov: "İtkilərimiz çox olsa da, yaxşı nəticə qazanmağa çalışacağıq"
"Belə bir vaxtda komandanı idarə etmək asan deyil. Hamımızın fikri ön cəbhəyə yönəlib".
Bunu "Qarabağ"ın baş məşqçisi Qurban Qurbanov UEFA Avropa Liqasının pley-off mərhələsinin Polşa "Legiya"sı ilə səfər oyunu öncəsi Heydər Əliyev Beynəlxalq Aeroportunda jurnalistlərin suallarını cavablandırarkən deyib (sportnet.az).
48 yaşlı mütəxəssis bildirib ki, məşqçilər heyəti futbolçuları oyuna düzgün hazırlamağa, onlara doğru informasiya verməyə çalışır: "Bilirik ki, vacib oyuna çıxacağıq. Mərhələ bir matçdan ibarətdir. Üstəlik, səfərdə oynayacağıq. Rəqib ardıcıl 4-cü matçını evdə keçirəcək. İtkilərimiz çox olsa da, yaxşı nəticə qazanmağa çalışacağıq. Səfərə məğlub olmağa getmirik. Oyuna yaxşı hazırlaşmışıq. Rəqibdən çəkinmirik, uduzsaq belə, onların üzərinə gedəcəyik. İnanıram ki, futbolçular vəziyyəti yaxşı dərk edirlər. Hamımız istəkli və arzuluyuq".
UEFA-nın hər hansı təxribatın qarşısının əvvəlcədən alınması üçün "Legiya" ilə oyuna xüsusi nümayəndə təyin etməsinə toxunan Qurbanov heç kimdən çəkinmədiklərini söyləyib: "Onları yaxşı tanıyırıq. Ona görə də bizim üçün elə də önəmli deyil. UEFA öz üstünə düşən vəzifəni yerinə yetirəcək. Biz isə öz oyunumuza hazırlaşacağıq və meydanda çəkinmədən mübarizə aparacağıq. İnanmıram ki, ermənilər biz olan tərəfə yaxın gəlsinlər. Həmişəki kimi, məndə belə hisslər var. Kimsə gəlsə belə, kənardan nə isə edib qaçacaq".
Baş məşqçi haitili yarımmüdafiəçi Donald Geryedən başqa bütün futboçuların Polşaya aparıldığını deyib: "Xayme Romero iki gündür məşqlərə başlayıb. Abdullah Zubir isə hazırlığa 1 gün öncə start vermişdi, komanda ilə daha çox məşq edib. Mahir Emrelinin durumu onlardan bir qədər pisdir. Düzdür, komanda ilə məşq etdi, bəzi anlarda onu qoruduq. Amma oyuna hələ 2 gün var. İnanıram ki, matçadək hamısı daha yaxşı vəziyyətdə olacaq".
Oktyabrın 1-də Polşadakı "Voyska Polskoqo" stadionunda keçiriləcək qarşılaşma Bakı vaxtı ilə saat 22:00-da başlayacaq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |