"Həkimlər iynə-dərmanla məni oyuna hazır etdi" Müsahibə
"Rəvan” futbol klubunun qışda heyətinə qatdığı Mindauqas Kalonas məhz yeni komandasında sərgilədiyi oyunla yenidən Litva millisinə qayıtdı. Özü də o, dərhal nəticəyə təsir edən addımla yadda qaldı. Belə ki, 2014-cü ildə Braziliyada keçiriləcək dünya çempionatının seçmə turnir çərçivəsində Jlinada Slovakiya ilə səfər oyununda qol ötürməsi verdi. Matç 1:1 hesabı ilə başa çatdığından Kalonasın qazanılan xalda bilavasitə rolunun olduğunu söyləmək mümkündür.
Mindauqas Slovakiyada soyuq hava şəraitində keçən oyundan sonra qrip virusuna yoluxub. Üstəlik, virus komanda daxilində də yayıldığından vəziyyət gərginləşib. Bəzi futbolçuların Jilinadakı görüşdə zədələndiyini də nəzərə alsaq, litvalıların martın 26-da yoldaşlıq oyununda Albaniyaya 1:4 hesabı ilə uduzmasının əsl səbəbi üzə çıxar. Hər halda, Mindauqas həmin matçda da sonradan meydana çıxmaqla komandasının çıxışına müsbət təsir göstərmişdi.
Bütün bunları nəzərə alan litvalı jurnalistlər "Rəvan"ın üzvündən müsahibə götürüb. 29 yaşlı pleymeyker Azərbaycana gəlişi ərəfəsində yerli saytların birinə danışıb.
- Slovakiya və Albaniya yığma komandalarına qarşı oyunlarda çox fərqli nəticələr qeydə alındı. Nə üçün?
- İlk növbədə bu iki oyun arasında status fərqini qabartmalıyam. Slovakiya ilə oyun seçmə turnirin matçı idisə, albanlara qarşı adi yoldaşlıq oyununda qüvvəmizi sınadıq. Rəsmi oyundan sonra baş məşqçinin təzə futbolçuları sınaqdan keçirmək istəməsini də qeyd edə bilərəm. Üçüncüsü, Slovakiyada oynayan futbolçulardan yeddisi müxtəlif səbəblərdən millinin düşərgəsini tərk etdi. Jilinada oynayanların demək olar hamısı soyuqladı, qripə yoluxdu. Albaniya ilə matç öncəsi 8 futbolçu qızdırmadan yanırdı. Həkimlər bir təhər onları ayağa qaldıra bildi.
- Xəstə olsaz da, hər iki oyunda çıxış etdiz...
- Əslində ilk xəstələnən, halı pişləşən elə mən olmuşdum. 2 gün vəziyyətim çox pis oldu. Həkimlər iynə-dərmanla məni oyuna hazır etdi. Bu üzdən Slovakiyadakı görüşdə tam oynaya bilmədim. Orda hava soyuq idi, xəstəliyim də tam keçməmişdi. Nəticədə virus başqalarına da yayıldı. Bəzi futbolçular 38-30 dərəcə qızdırmada yanırdı. Üstəlik, baş ağrısı və halsızlıq da var idi.
- Albaniya ilə görüşdə siz meydana girəndən sonra oyun dəyişdi...
- Ola bilər. Amma nəzərə alın ki, albanlar tam gücü ilə oynayırdısa, bizim baş məşqçimiz sanki sınaq həyata keçirirdi. Hər halda, statusundan asılı olamayaraq bütün oyunlarda sona qədər mübarizə aparmaq lazımdır. Biz də belə etdik.
- Uzun fasilədən sonra milliyə qayıtdız. Bu komandanı əvvəlki ilə müqayisə etmək olar?
- 2010-cu ildəki komanda daha püxtələşmiş idi. İndi isə gənc futbolçular çoxdur. Məşqçimiz gəncliklə təcrübənin vəhdətini yaratmağa çalışır. Məncə, bu gənclərlə yaxın gələcəkdə daha da güclü komandamız olacaq. Buna əminəm.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |