Verpakovskis: "Starokov mənə inanmasaydı, heç Azərbaycana dəvət etməzdi" - MÜSAHİBƏ
Axır ki, Maris Verpakovskisin də “ayağı açıldı”. Latviya yığmasının hücumçusunun ilk qolunu görmək üçün nə az, nə çox, düz 9 tur gözləməli olduq. “Bakı”nın səfərdə “Sumqayıt-Şəhər” üzərindəki qələbəsinin baş memarı suallarımıza cavab verdi. Son anadək ikinci planda qalan Marius tədricən bombardirlik keyfiyyətlərini nümayiş etdirəcəyinə ümidlidi.
- Mövsümdə ilk qolunuzu vurdunuz. Hansı hissləri yaşadınız?
- Qələbə qazanmaq istəyirdik. Vurduğum qol sayəsində üç xal qazandıq. Düzdü, mövsümdə ilk qolum oldu. Amma çoxdan fərqlənməli idim. Çünki əvvəlki oyunlarda da qol vurmaq üçün şanslar qazanırdım. Sadəcə, uzun müddət qol vura bilmədim. Əsas odur ki, “Sumqayıt-Şəhər”i udduq.
- Hər tur bir neçə qol vurmaq şansı əldə edirdiniz. Niyə fərqlənə bilmirdiniz?
- Elədi, fərqlənmək üçün hər dəfə şans qazanıram. Ancaq həlledici anda topu qapıdan keçirə bilmirdim. Bu, hər hücumçunun başına gələ bilər. Təəssüf ki, mən də uğursuz seriya ilə üzləşdim. Məşqlərdə səylə çalışıram və bundan sonra işimi lazımınca yerinə yetirmək arzusundayam.
- Növbəti turlarda da sizdən qol gözləyək?
- Buna mən də ümid edirəm. Çünki hücumçuyam və vəzifəm qol vurmaqdı. Əlbəttə, bununla kifayətlənmək niyyətində deyiləm.
- Çoxları yaxşı formada olmadığını söyləyir. Bəs siz necə düşünürsünüz?
- Hələ mövsümün əvvəlidi. Komandaya cəmi iki ay əvvəl qoşulmuşam. Bu amili nəzərə alsaq, hələlik ideal oyun nümayiş etdirməməyim gözlənilən haldı. Tədricən optimal forma toplayacam. Etiraf edim ki, oyundan-oyuna özünəinamım daha da yüksəlir.
- Sizə hər dəfə şans verdiyinə görə, baş məşqçinizi qınayanlar çox idi...
- O, məni çoxdan tanıyır. Uzun müddətdi ki, Latviya millisində onun rəhbərliyi altında çıxış edirəm. Starokov mənə inanmasaydı, heç Azərbaycana dəvət etməzdi.
- Ön xətdə Uinston Parksla duet təşkil edirsiniz. Onunla oynamaq rahatdı?
- Parks çox səviyyəli hücumçudu. Onunla hücum xəttində yaxşı anlaşırıq. Əla tərəfdaşdı. Mənə gözəl ötürmə verdi və buna görə ona təşəkkür edirəm. İnanıram ki, tədricən daha uğurlu çıxış edib, komandaya lazım olan qolları vuracağıq. Çünki klubda bizdən çox şey gözləyirlər.
- Sanki “Bakı”da nəsə çatışmır, səncə, nədir bu?
- Bizə vaxt lazımdı. Yuxarıda dediyim kimi, komanda yenidən qurulur. Bu gün “Bakı” iki-üç top fərqi ilə qalib gəlməli idi. Fərqlənmək üçün imkanlarımız da var idi. Amma biz bunu reallaşdıra bilmədik. Nəticədə oyunun sonları əsəbi şəkildə keçdi. Hətta öz qapımızdan qol da buraxa bilərdik. Əgər anlaşma daha yaxşı olsaydı, nəticələr də fərqli olardı. Buna rəğmən, ruhdan düşmürük. Daha çox səylə çalışırıq ki, istənilən səviyyəyə yüksələk.
- Jabanın heyətə dönməsi gözlənilir. Hücum xəttində artmaqda olan rəqabətə hazırsınız?
- Əlbəttə, bu, yaxşı haldı. Hücum xəttində rəqabət daha da yüksələcək. Bu, məşqçilərə geniş seçim etmək imkanı verir.
- Bu oyunla “Bakı” qızıl medala ümid edə bilərmi?
- Hazırda bu barədə danışmaq çox tezdi. Əsas məsələ komandanın oyununu tapması və daha yaxşı nəticələr əldə etməsidi. Bundan sonra məqsədlər haqqında danışmaq olar. Ona görə tələsmək lazım deyil. İndiki məqamda bizim əsas məqsədimiz oyun planında yüksəlişə nail olmaqdı.
- Azərbaycanlı azarkeşlər Verpakovskisi Avro-2004-ün pley-offunda Türkiyənin qapısına vurduğu iki qolla xatırlayır. “Bakı”dakı oyununla onların qəlbini fəth edə biləcəksiniz?
- İndi söz verməkdə çətinlik çəkirəm. Hər şey zamana bağlıdı. Əlbəttə, vurduğum qollarla komandama fayda vermək istəyirəm. Azarkeşlərin rəğbətini qazanmaq çox yaxşı olardı.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |